რამაზ ჟღენტი გავრცელებულ ინფორმაციას აბსურდულს უწოდებს,” _ასეთ განცხადებას აკეთებს საქართველოს იუსტიციის საბჭო.
“იმდენად აბსურდული პრეტენზიები მოვისმინე, პასუხის გაცემა იქნებ არც კი ღირდეს, მაგრამ ეს ინფორმაცია აშკარად ცილისწამებლურია და უმჯობესია საზოგადოება მოკლედ ჩავაყენო საქმის კურსში.
ჩემი ძმის ინტერესების საწინააღმდეგო გადაწყვეტილება მიიღეს თბილისის პირველი და მეორე ინსტანციის ცალკეულმა მოსამართლეებმა, რომლებიც იუსტიციის უმაღლეს საბჭოსთან სამსახურეობრივად არიან დაკავშირებულები. ამის საპირისპიროდ ამ მოსამართლეების მიერ მიღებული გადაწყვეტილება გააუქმა უზენაესმა სასამართლომ, რომელთანაც საქართველოს იუსტიციის უმაღლესი საბჭოს წევრს არაფერი ესაქმება.” _ აცხადებს რამაზ ჟღენტი.
“გამოდის, რომ ვისთანაც სამსახურეობრივად რაღაც შეხება თუ გავლენა მქონდა, ვერაფერი “გავაწყვე” და უზენაეს სასამართლოში კი სადაც მართლაც არაფერი მესაქმება, თურმე “ჩავაწყვე საქმეები”. სადაური წესია და სად არის აქ ლოგიკა? მიწის ნაკვეთის გამიჯვნასთან დაკავშირებით ყველა ამ დავაზე პირველი ინსტანციის სასამართლომ თავის დროზე მიიღო აშკარად ტენდენციური გადაწყვეტილება. კარგი იქნებოდა თუ საერთოდ ამ საქმეს შეისწავლის მართლმსაჯულების ხარვეზების შემსწავლელი კომისია, რომელიც როგორც ვიცი უახლოეს დროში დაიწყებს ფუნქციონირებას.
რამაზ ჟღენტი განმარტებას აკეთებს მისი და მიხეილ მაჭავარიანის ურთიერთობებზეც და აღნიშნავს:
“რაც შეეხება მიშა მაჭავარიანის და ჩემს სიძე-სიმამრობის თემით სპეკულირებას, აქ ახალი არაფერია. როგორც კი ვიღაცას დაჭირდება, ჩვენი ნათესაური კავშირი იმავე მომენტში იქცევა “აქილევსის ქუსლად”.
ჯერ კიდევ ედუარდ შევარდნაძის პერიოდში ჩემი სამსახურებრივი გადაადგილების საკითხი დადგა და ატეხეს ერთი ამბავი, მაჭავარიანი პატრონობსო. ისიც კი დაიწერა ბათუმის და შემდეგ აჭარის პროკურორად დაანიშვნინაო. ეს მაშინ, როდესაც ამ თანამდებობაზე ჩემი მუშაობის პერიოდში მიშა მაჭავარიანი სკოლაში სწავლობდა.
როცა მაჭავარიანი გადადგა მინისტრობიდან ამის შემდეგ უარი მითხრეს სამუშაო ადგილის შეცვლაზე იმ საფუძვლით, რომ “ოპოზიციონერის” სიმამრი ვიყავი.
2003 წელს იმ დროინდელმა გენერალურმა პროკურორმა ნუგზარ გაბრიჩიძემ დამნიშნა თბილისის პროკურორად, რასაც მოყვა ახლად არჩეული პრეზიდენტის მიხეილ სააკაშვილის სამდღიანი სატელევიზიო მუქარა, “არ დავუშვებ მაჭავარიანის სიმამრს პროკურორადო”. მე თვითონ დავასწარი და გადავდექი. თუმცა, რამდენიმე თვეში ამ თანამდებობაზე დაინიშნა “ნაციონალური მოძრაობის” ერთ-ერთი ლიდერის ძმა. ასე, რომ მართლაც ჭრელია ეს ცხოვრება და არაფერია გასაკვირი. ერთი რამ კი მინდა ვთქვა, რომ ვინც ჩემი ცხოვრების წესი იცის ამ თემებზე ასე ხელაღებით საუბარს არ დაიწყებს”. _ აცხადებს
