გიგი კალანდაძე კი “გურია ნიუსთან” ამ ბრალდებას უარყოფს და ამბობს, რომ დიდი ვარაუდით შეიძლება დადგეს მისი გამამართლებელი განაჩენი და აღარ იციან რა უსაფუძვლო ბრალდებები წამოუყენონ.
გორელაშვილის თქმით, რომელმაც იანვარში პოლიტპატიმრის სტატუსით დატოვა საპატიმრო, იანვრიდან მოყოლებული ეძებს მის წამებაში მონაწილე კონკრეტულ პირს, რომლის სახელი და გვარი მაშინ არ იცოდა, მაგრამ კარგად დაამახსოვრდა გარეგნულად და ახლახან ამოიცნო:
_ მე რაც ჩვენებები მაქვს მიცემული, იქ ვახსენებ ბურძგლიანი “ბულავათი” ცემას. ის კაცი კი, რომელიც მცემდა იყო გიგი კალანდაძე.
_ მანამდე ნანახი არ გყავდათ?
_ არა, საიდან?! საერთოდ არ შევხებივარ, მე ხომ სამხედრო ოფიცერი არ ვყოფილვარ. არავითარი კავშირი მაგათთან არ მქონია.
_ როდის დარწმუნდით, რომ ადამიანი, რომელმაც გცემათ, ნამდვილად გიგი კალანდაძე იყო?
_ მაშინ როცა, პირადად შევეჯახე კორიდორში.
_ ეს როდის მოხდა?
_ ამ თვის 13-ში… პირველ ნახევარში. გუშინ ვნახე კიდევ, სასამართლო პროცესზე იყო მიწვეული, კარგად შევხედე სახეზე და ვიცი დადასტურებით და ვამტკიცებ, რომ გიგი კალანდაძეა ის პიროვნება, რომელსაც 13 იანვრიდან ვეძებ.
_ თუ თვის შუა რიცხვებში ამოიცანით, რატომ მაშინვე არ გაამხილეთ? შემთხვევით ხომ არ უკავშირდება ეს ახალაიას საქმის გამოძიების დასრულებას, რომელშიც, როგორც ამბობენ, პროკურატურას სუსტად აქვს ნამუშევარი?
_ არა. პროკურატურას რამდენი ხანია მაგ პიროვნების აღწერილობას ვაძლევ და სამხედრო პოლიციის ყოფილი მაღალჩინოსნების სურათებიც კი არ მაჩვენეს, რომ ამომეცნო. აბსოლუტურად არაფერ შუაში არაა ეგ პროცესი. წარმოიდგინეთ, რომ შემთხვევით, პროცესზე დაბარებულ კაცს შევეჯახე და ვიცანი.
_ აპირებთ თუ არა, რომ პროკურატურას ხელახალი განცხადებით მიმართოთ?
_ რა თქმა უნდა. მე დღეს პროკურორი გავაფრთხილე და ხვალ ან ზეგ, ალბათ, მივალ, _ გვითხრა გორელაშვილმა.
გიგი კალანდაძე ჩვენთან საუბრისას ამბობს, რომ გორელიშვილს ვერ იხსენებს და არავისთვის სიტყვიერი შეურაცხყოფა და ფიზიკური დაზიანება არ მიუყენებია:
_ მე ნამდვილად ვერ ვიხსენებ გორელაშვილს და მინდა გითხრათ, არათუ პოლიციის შენობაში, არამედ სხვა სამხედრო ნაწილში არავისთვის სიტყვიერი შეურაცხყოფა და ფიზიკური დაზიანება არ მიმიყენებია. ერთი კვირის წინ, სამხედრო პოლიციას, დაკითხვაზე ვყავდი დაბარებული სამხედრო პოლიციაში, სხვა საკითხებთან დაკავშირებით. მოკლედ, ნერვიულობს ალასანია, რომ, დიდი ვარაუდით, შეიძლება დადგეს გამამართლებელი განაჩენი და აღარ იციან, რა უსაფუძვლო ბრალდებები წამიყენონ.
_ ბატონო გიგი, გორელაშვილის ამ განცხადებას, თქვენი სასამართლო პროცესის დასრულებას უკავშირებთ?
_ დიახ.
