ამას მოჰყვა ფიზიკური და სიტყვიერი შეურაცხყოფა და ვითარება დაიძაბა,” _ ამის შესახებ “გურია ნიუსს” შს სამინისტროს საინფორმაციო-ანალიტიკური დეპარტამენტის უფროსმა დავით სუჯაშვილმა განუცხადა.
მისი თქმით, მავთულხლართები დიცთან მდებარე პატარა სასაფლაოზე გადიოდა და ადგილობრივების პროტესტის მიზეზი სწორედ ეს გახდა.
“როდესაც იქ ვიყავით ჩასული და დავათვალიერეთ, ეს სასაფლაო ჩვენი ინტერესის ქვეშ მოექცა, რადგან მავთულხლართების სწორედ მასზე გავლა იყო მოსალოდნელი. ჩვენ რუსულ და ოსურ მხარეს რამდენჯერმე მოვთხოვეთ, რომ როდესაც მავთულხლართების გაყვანას დაიწყებდნენ, ინფორმაცია მოეწოდებინათ თუ სად გაივლიდა ეს მავთულხლართები. თუმცა, ეს ინფორმაცია არ მოგვაწოდეს.
დღეს ვითარების გასაცნობად და დასარეგულირებლად ადგილზე ევროკავშირის დამკვირვებლები იყვნენ ჩასულები. ასევე, ჩვენი სამსახურის თანამშრომლებიც. მოლაპარაკებები გაიმართა და შედეგად მივაღწიეთ იმას, რომ გზას გვიტოვებენ. თუმცა, არა აქამდე მოქმედ, არამედ შემოვლითს, რომლითაც ადგილობრივები სასაფლაომდე მისვლას შეძლებენ. ამას მივაღწიეთ. თუმცა, მავთულხლართების გაყვანა გაგრძელდება,” _ აღნიშნა სუჯაშვილმა.
მისივე თქმით, ამ დროისათვის ვითარება დარეგულირებულია. სამინისტროს ანალიტიკური დეპარტამენტის თანამშრომლები თბილისში რამდენიმე საათში დაბრუნდებიან და დეტალურ ინფორმაციას მოგვიანებით მოგვაწვდის.
აღნიშნულ შემთხვევასთან დაკავშირებით რამდენიმე საათის წინ განცხადება ევროკავშირის სადამკვირვებლო მისიის წარმომადგენლობამ გაავრცელა.
მისიამ ყველა მხარეს თავშეკავებისკენ მოუწოდა და დიცში მცხოვრებთა შეშფოთების გათვალისწინება სთხოვა.
“დღეს შუადღით სოფელ დიცის სიახლოვეს მცხოვრებმა ადგილობრივებმა შეშფოთება გამოხატეს სამხრეთ ოსეთთან, ადმინისტრაციულ სასაზღვრო ზოლთან ღობეების აღმართვის განახლების თაობაზე. ევროკავშირის სადამკვირვებლო მისია მთელი დღის განმავლობაში ადგილზე იმყოფებოდა. მისია მოუწოდებს ყველა მხარეს, გამოიჩინონ თავშეკავება და გაითვალისწინონ ადგილობრივთა შეშფოთება,” _ ნათქვამია EUMM-ის განცხადებაში.
