ეს იმის ნიშანია, რომ ტრადიცია არც წელს დაირღვა და ფესტივალში ოზურგეთელმა მსახიობებმაც მიიღეს მონაწილეობა. ამჯერად, საფესტივალოდ შერჩეული იყო რეჟისორ ოთარ კუტალაძის სპექტაკლი ოთარ ბაღათურიას პიესის მიხედვით “მეფე ლირი თავშესაფარში”.
ოთარ ბაღათურიას თქმით, ძალიან კარგად ითამაშეს მსახიობებმა და, სპექტაკლი მაყურებელმაც კარგად მიიღო.
საქართველოს სახალხო არტისტსმა, სანდრო მრევლიშვილმა კი განაცხადა, რომ სპექტალით ძალიან კარგად არის მოტანილი პიესის იდეა.
“დადებითი შთაბეჭდილებებით ვარ. ჩემი აზრით ღელავდნენ ცოტათი მსახიობები. ეს პიესა უფრო თამამად უნდა ითამაშონ,” _ თქვა სანდრო მრევლიშვილმა.
“ძალიან მომეწონა, კმაყოფილი ვარ. მე და ჩემი მეუღლე, ზურაბ ცინცქილაძე, სპეციალურად დავბრუნდით თბილისში, რომ ეს სპექტაკლი გვენახა,” _ აღნიშნა მსახიობმა თამარ დათუაშვილმა.
მსახიობმა ზურაბ ცინცქილაძემ ალექსანდრე წუწუნავას სახელობის თეატრის პრესსამსახურთან ლია კილაძესთან განაცხადა, რომ მას სურვილი აქვს ოზურგეთელ მსახიობებთან ერთად ითამაშოს.
“დიდად გავიხარე, როცა ვნახე ოზურგეთის თეატრის სპექტაკლი, რომელშიც დასის თითქმის ყველა მსახიობი თამაშობს და გამიჩნდა სურვილი, რომ მეც ვიყო მათი კოლეგა უშუალოდ ოზურგეთის თეატრის სცენაზე. მით უფრო, რომ მე ამ თეატრთან დიდი სიყვარული მაკავშირებს.
ბატონი ვასო ჩიგოგიძე ჩემი მეჯვარეა, ხოლო ბატონი ოთარ კუტალაძე და მე ერთად ვცხოვრობდით სტუდენტურ ბინაში, ჯგუფელები ვართ, ერთად მივდიოდით ინსტიტუტში, ერთად ვსწავლობდით… რაღაც პერიოდში დაიკარგა ეს ურთიერთობები და ძალიან მიხარია, რომ როცა თმები გაგვითეთრდა, სიბერეში ისევ გადაკვეთს ჩვენი გზები ერთმანეთს.
თეატრი შენობა არ არის. სპექტაკლი, რომელიც აქ ვნახე და რომელმაც ძალიან გამახარა, ეს იყო თეატრი” .
