“ადვოკატთა ასოციაციის თავმჯდომარის არჩევნებთან დაკავშირებით ადვოკატთა კორპუსი არაინფორმირებულია”

მან ასევე, აღნიშნა, რომ მისი დისკრიმინაციის მიზნით დეზინფორმაცია ვრცელდება, რომ თითქოს იგი არჩევნებში გამარჯვების შემთხვევაში ადვოკატებისთვის გამოცდების ჩატარებას აპირებს.

“საქართველოს ადვოკატთა ასოციაციის თავმჯდომარის არჩევნებთან დაკავშირებით ადვოკატთა კორპუსი არაინფორმირებულია. მათ დაეგზავნათ მოკლეტექსტური შეტყობინებები, რომლის მიხედვითაც, 8 დეკემბერს დაგეგმილია კრება და არა – არჩევნები. ამას გარდა, ამ არჩევნებთან დაკავშირებით სხვა პრობლემებიც გაჩნდა, მაგალითად, ეს არის საარჩევნო პროცესის პროცედურების არარსებობა. ასევე, ჩემი, როგორც გამარჯვების რეალური კანდიდატის დისკრიმინაციის მიზნით, დეზინფორმაციის გავრცელება, რომ თითქოს არჩევნებში გამარჯვების შემთხვევაში, გამოცდების ჩატარებას ვაპირებ, რომელსაც ბევრი ადვოკატი ვერ ჩააბარებს და უმუშევარი დარჩება. ასევე, პრობლემაა ისიც, რომ ფილარმონიაში, სადაც არჩევნების ჩატარება იგეგმება, ადვოკატები ვერ დაეტევიან”, _ განაცხადა მდინარაძემ.

ადვოკატთა ასოციაციის თავმჯდომარის არჩევნები 8 დეკემბერს თბილისის საკონცერტო დარბაზში გაიმართება. რეგისტრაცია 10:00 სთ-დან 12:00 სთ-მდე გაგრძელდება.