“რაც ყველაზე მთავარია, მე ვენდობი ამ ადამიანებს”

ოფიციალური დოკუმენტების მიხედვით, 4 აგვისტოდან 8 აგვისტოს ჩათვლით, ოზურგეთის მუნიციპალიტეტის გამგეობის საშტატო შემადგენლობა ძირითადად დაკომპლექტებულია.

თანამშრომელთა უმრავლესობა მუნიციპალიტეტის გამგეობაში წლების განმავლობაში მუშაობდნენ და ყოფილი გამგებლის, გუბერნატორ ვალერი ჩიტაიშვილისა და ვიცე-გუბერნატორ ლელა თავართქილაძის კადრებად მოიაზრებოდნენ. კადრების ნაწილი კი ყოფილი გამგებლის კოტე შარაშენიძის  მიერ დანიშნულები არიან. 

მუნიციპალიტეტის გამგეობიდან ოფიციალურად გამოთხოვილი, დასაქმებასთან დაკავშირებით შესული განცხადებების ქსეროასლებიდან ჩანს, რომ ყველა პირს შინაარსობრივად ერთნაირი, რამდენიმესიტყვიანი  განცხადება აქვს დაწერილი _ "გთხოვთ დამასაქმოთ ვაკანტურ თანამდებობაზე". განცხადებებში არ არის მითითებული რა სპეციალობა აქვთ და კონკრეტულად რომელ ვაკანტურ თანამდებობაზე ითხოვენ მუშაობის დაწყებას.

დაუდგენელია, როგორ მოხდა განცხადებების შერჩევა, შეფასება, რა კრიტერიუმებით დაადგინეს კადრის გამოცდილება და როგორ მოახერხა გამგებელმა 4 აგვისტოს შემოსული განცხადებების გადახედვა,  პიროვნებების შესწავლა და იმავე დღეს  სხვადასხვა  პირების თანამდებობებზე დანიშვნა.

იურისტების განმარტებით, ზოგად ადმინისტრაციული კოდექსის თანახმად, განცხადების შეტანა არის საფუძველი ადმინისტრაციულ ორგანოში დაიწყოს ადმინისტრაციული წარმოება. გაურკვეველია, როდის მოხდა მუნიციპალიტეტის გამგეობაში საქმის წარმოების დაწყება და დასრულება.

თანამშრომლების უმეტესობა წარმოშობით სოფელ შემოქმედიდანაა, სადაც დღეს გამგებელი მერაბ ჭანუყვაძე ცხოვრობს, ზოგიც მისი მეგობარი და კლასელია.

მერაბ ჭანუყვაძე "გურია ნიუსთან" ახალი კადრების დანიშვნასთან დაკავშირებით ამბობს, რომ ის თავისი გუნდით მოვიდა:

 _ მე მოვედი ჩემი გუნდით,  შეიცვალა ყველა სამსახურის უფროსი, მოადგილეები… ეს ადამიანები თავიანთი პროფესიონალიზმით, კომპეტენტურობით შეირჩა. ყველა სამსახურის უფროსს აქვს შესაბამისი გამოცდილება და არიან ჩემი გუნდის წევრები. რაც ყველაზე მთავარია, მე ვენდობი ამ ადამიანებს. სოფელ შემოქმედთან დაკავშირებით  კი გეტყვით, რომ აქ ძალიან ბევრი შემოქმედელი მუშაობდა ჩემს მოსვლამდეც… ასე რომ, ესენი ახალი სახეები არ არიან.  რაც შეეხება კადრებს, გარდა მოადგილეებისა და სამსახურის უფროსებისა, არიან დროებით მოვალეობის შემსრულებლები, ასევე სოფლის წარმომადგენლებიც… ჩვენ ჩავატარებთ კონკურსს, სადაც ნებისმიერ პირს ექნება  საშუალება მიიღოს მონაწილეობა.

ოზურგეთის მუნიციპალიტეტის გამგეობაში თანამდებობის პირებისა და თანამშრომლების სახელობითი სია ასე გამოიყურება:

გამგებლის პირველი მოადგილეა არჩილ ყაზაიშვილი, მოადგილე _  ალექსანდრე ყველაშვილი, მოადგილე _ გიორგი ღურჯუმელიძე, გამგებლის თანაშემწე _ ვასილ ქარჩავა, მდივან-რეფერენტი _ ელენე სურგულაძე.

სამსახურის უფროსი (დასაზუსტებელია რომელი სამსახურის უფროსია!) _ ხათუნა სურგულაძე, საქმისწარმოების განყოფილების უფროსი _ ნანა ხომერიკი, სპეციალისტი _ მარინა გორდელაძე, ადამიანური რესურსების მართვის განყოფილების უფროსი _ მარინა ქერქაძე,  სპეციალისტი _  მზევინარ სალუქვაძე; საზოგადოებასთან ურთიერთობისა და საინფორმაციო განყოფილების უფროსი _ ეკატერინე მგელაძე,  სპეციალისტი _  ნენსი კიკვაძე, პროტოკოლისა და საგარეო ურთიერთობის განყოფილების უფროსი _ ნინო მახარაძე, სპეციალისტი _ დარეჯან გოგოტიშვილი, სპეციალისტი _ ნანა კილაძე; საბიუჯეტო დაგეგმვისა და ანალიზის განყოფილების უფროსი _ გია მამაკაიშვილი; საბუღალტრო აღრიცხვა-ანგარიშებისა და სახაზინო-საბანკო მომსახურების განყოფილების სპეციალისტი _ ლილი როყვა; მუნიციპალური შესყიდვების განყოფილების სპეციალისტი _ თამარ ლომთათიძე, იურიდიული სამსახურის უფროსი _ ლაშა თავაძე, სამართლებრივი ექსპერტიზისა და სასამართლოსთან ურთიერთობის განყოფილების უფროსი _  მიხეილ შილაკაძე, სპეციალისტი _ კლიმენტი ცერცვაძე; ზედამხედველობის განყოფილების უფროსი _  გერმანე ჭანუყვაძე, სპეციალისტი _ თამარ ბაქანიძე; შიდა აუდიტის სამსახურის უფროსი _  გიორგი ჩაგანავა, სპეციალისტი _ ნათელა ტუღუში, სპეციალისტი _  შოთა სარიშვილი; ინფრასტრუქტურის, არქიტექტურისა და ქონების მართვის სამსახურის უფროსი ბადრი გობრონიძე, ინფრასტრუქტურის  განყოფილების უფროსი _  გოჩა აბაშმაძე, სპეციალისტი _ აივაზ ბერიძე, სპეციალისტი _ რევაზ გუდაძე, სპეციალისტი  _ თამაზ ცერცვაძე, სპეციალისტი _ პაატა ვაშალომიძე, არქიტექტურის განყოფილების უფროსი _ თამაზ ლომჯარია, სპეციალისტი  _  თამარ ცხომელიძე; ქონების მართვის განყოფილების უფროსი _  მალხაზ გორგოშიძე, სპეციალისტი_ პელაგია კალანდაძე; კულტურის, სპორტისა და ტურიზმის განვითარების სამსახურის უფროსი _ ნატალია ხომერიკი, კულტურის განყოფილების უფროსი _ ვახტანგ ვაშაყმაძე, სპეციალისტი _  ნუნუ მამუკელაშვილი, სპორტის განყოფილების უფროსი _ ზაზა ცინცაძე, სპეციალისტი _ პაატა ნიკოლაიშვილი, ტურიზმის განვითარების განყოფილების უფროსი _  ეკატერინე სირაძე; განათლების, ახალგაზრდობის საქმეთა და სოციალური დაცვის სამსახურის უფროსი _  მაიზერ ცელაძე, განათლების განყოფილების  უფროსი _ ნაილი გრძელიძე, სპეციალისტი _ ნინო გაბუნია, ახალგაზრდობის საქმეთა განყოფილების უფროსი _ ლევან ლეჟავა, სოციალური დაცვის განყოფილების უფროსი _ ნათია ვაშალომიძე, სპეციალისტი  _ სულიკო ნიკოლაიშვილი, სპეციალისტი _ ქეთინო სანიკიძე; ეკონომიკისა და სოფლის მეურნეობის განვითარების სამსახურის უფროსი _  გიორგი ხარაბაძე, სპეციალისტი _ აკაკი ღლონტი, სოფლის მეურნეობის განვითარების განყოფილების სპეციალისტი _ ნანა მელაშვილი; სამხედრო აღრიცხვის, გაწვევისა და მობილიზაციის სამსახურის უფროსი _  ილია ლეჟავა, მოქალაქეთა გაწვევის განყოფილების უფროსი _ გიორგი თავართქილაძე, სპეციალისტი _ ციალა სირაძე, მობილიზაციის განყოფილების უფროსი _ ბადრი რუსიეშვილი, სპეციალისტი _ გიორგი სალუქვაძე.