იუსტიციის მინისტრის თეა წულუკიანის განცხადებით, მთავრობა კლანი არ არის და აუცილებელია, რომ კოალიციაში ყველა ერთად იყოს:
_ დღეს ხალხმა იცის, რომ ელიტური კორუფცია არ არის, მინისტრები არ მუშაობენ საკუთარ თავზე და მთავრობა არ არის კლანი. "ნაციონალური მოძრაობა" იყო კლანი. დღეს ჩვენ ვართ საკმაოდ ჭრელი გუნდი, ოპოზიციაში ყოფნის დროსაც ვამბობდი, რომ ჭრელი "ქართული ოცნება", ჭრელი კოალიცია ეს არის ჩვენი სიმდიდრე და როცა მავანი საუბრობს იმაზე, რომ შეიძლება ხელისუფლების მონოპოლიზაცია მოხდეს, არის არასწორი, რადგან უფრო მეტი სიჭრელე და შიდა დემოკრატია ჩვენს კოალიციაში რომ არის, მე არ მინახავს. ეს კარგია. დღეს "ქართული ოცნების" კოალიციაში, როგორც არასდროს აუცილებელია, რომ ყველა ერთად იყვნენ. ამას ვამბობ პრეზიდენტის გასაგონად და სხვების გასაგონადაც. ჩვენ ერთად მოვედით ხელისუფლებაში – ჩვენ უთანასწორო ბრძოლა გავიარეთ და დავდეთ სიცოცხლე სასწორზე. რადგან ვერდიქტი "ნაციონალურ მოძრაობას" გამოუტანა ხალხმა, ამ ვერდიქტის ერთგული, ნება უნდა ვიბოძოთ და დავრჩეთ ბოლომდე, – განაცხადა წულუკიანმა „რუსთავი2“-ის ეთერში, გადაცემა "არჩევანში“ საუბრისას.
