სახელგანთქმული პრიმა-ბალერინა მაია პლისეცკაია, 2 მაისს, გერმანიაში, გულის შეტევით გარდაიცვალა.
ეს ინფორმაცია რუსულ საინფორმაციო სააგენტო „იტარ ტასს“ მოსკოვის დიდი თეატრის გენერალურმა დირექტორმა ვლადიმერ ურინმა აცნობა.
„მე ბალერინას მეუღლემ როდიონ შჩედრინმა დამირეკა. პრიმა-ბალერინა გულის მძიმე შეტევით გარდაიცვალა. ექიმები იბრძოდნენ, მაგრამ ვერაფრის გაკეთება ვერ შეძლეს,“ _ თქვა ურინმა.
მაია პლისეცკაიას საქართველოსთან და ქართველებთან საკმაოდ ახლო ურთიერთობა აკავშირებდა _ უკანასკნელად პრიმა-ბალერინა თბილისში 2014 წლის 24 სექტემბერს იმყოფებოდა, რა დროსაც ის საქველმოქმედო ფონდ „იავნანას“ მოწვევით „ბეჟარის ბალეტის“ საღამოს დაესწრო.
