დედაქალაქის მერიაში ადასტურებენ, რომ მერის მოადგილემ გიორგი სოლომონიამ თანამდებობა დატოვა.
მერიის განცხადებით, სოლომონია საქმიანობას ფინანსთა სამინისტროს საგამოძიებო სამსახურში გააგრძელებს.
"თბილისის მერის მოადგილემ, გიორგი სოლომონიამ თანამდებობა დატოვა. აღნიშნულ პოსტს იგი 2014 წლის აგვისტოდან იკავებდა. გიორგი სოლომონია თანამდებობიდან საქართველოს ფინანსთა სამინისტროს საგამოძიებო სამსახურში გადასვლასთან დაკავშირებით, პირადი განცხადების საფუძველზე გათავისუფლდა", – აღნიშნულია განცხადებაში.
