ოზურგეთის მუნიციპალიტეტის და ქალაქ ოზურგეთში 42 საჯარო სკოლიდან სასწავლო პროცესი 20 სკოლაში შეწყდა.
ოზურგეთის საგანმანათლებლო რესურსცენტრის უფროსის, ლელა იმედაშვილის მიერ მოწოდებული ინფორმაციით, 22 საჯარო სკოლაში ჩვეულებრივ რეჟიმში მიმდინარეობს სასწავლო პროცესი. მისივე თქმით, დაბალია მოსწავლეების გამოცხადების აქტივობა.
"ოზურგეთის მუნიციპალიტეტის სოფელ ზემო ნატანების საჯარო სკოლა, სოფელ თხინვალის საჯარო სკოლა, კონჭკათის საჯარო სკოლა, დაბა ლაითურის საჯარო სკოლა, სოფელ მაკვანეთის საჯარო სკოლა, სოფელ მელექედურის საჯარო სკოლა, სოფელ მერიის საჯარო სკოლა, სოფელ მშვიდობაურის საჯარო სკოლა, სოფელ ნაგომარის საჯარო სკოლა, დაბა ნარუჯის საჯარო სკოლა, სოფელ ორმეთის საჯარო სკოლა, სოფელ სილაურის საჯარო სკოლა, სოფელ შრომის საჯარო სკოლა, სოფელ ციხისფერდის საჯარო სკოლა, სოფელ ძიმითის საჯარო სკოლა, სოფელ ჭანიეთის საჯარო სკოლა,სოფელ ხრიალეთი საჯარო სკოლაჯუმათის საჯარო სკოლა – ეს იმ სკოლების ჩამონათვალია სადაც სასწავლო პროცესი არ მიმდინარეობს", _ გვითხრა ლელა იმედაიშვილმა.
განათლების და მეცნიერების სამინისტროს მიერ გავრცელებული ინფორმაციით, გრიპის ვირუსის საყოველთაო გავრცელების კვალდაკვალ მოიმატა მოსწავლეების ავადობის გამო სკოლის გაცდენების მაჩვენებელმა.
საზოგადოებრივი ზეგავლენის შემცირების მიზნით, დაავადებათა კონტროლის ეროვნული ცენტრიდან მიღებული რეკომენდაციების საფუძველზე საქართველოს განათლებისა და მეცნიერების სამინისტრომ მიიღო გადაწყვეტილება, მომდევნო სამი დღის განმავლობაში სასწავლო პროცესის შეჩერებაზე იმ კონკრეტულ დაწესებულებაში, სადაც გაცდენათა რაოდენობა აღემატება 20%-ს.
სამინისტრო აგროვებს ინფორმაციას მოსწავლეთა დასწრებაზე როგორც დილის, ასევე მეორე ცვლის მოსწავლეებთან დაკავშირებით. დასწრების მაჩვენებელი მეორე ცვლაში, რომელ პერიოდშიც ძირითადად დაწყებითი კლასების მოსწავლეები სწავლობენ, რიგ სკოლებში 20%-იან ნორმას აჭარბებს. მთელი საქართველოს მასშტაბით, ასეთი 180 საჯარო სკოლაა.
შესაბამისად, სამინისტრომ მიიღო გადაწყვეტილება ამ სკოლებში სამი დღით სასწავლო პროცესის შეჩერებაზე. გაცდენილი საათები კი, შაბათი დღეების ხარჯზე ანაზღაურდება.
