"ნაციონალური მოძრაობის "გადაწყვეტილებით, ყველა რეგიონს საკუთარი წარმომადგენელი, მაჟორიტარის გარდა, საარჩევნო სიაშიც ეყოლება.
განცხადება პარტიის ოფისში ცოტახნის წინ საპარლამენტო უმცირესობის ლიდერმა, დავით ბაქრაძემ გააკეთა. მან "ნაციონალური მოძრაობის" საარჩევნო სიის დაკომპლექტების ძირითადი პრინციპები წარმოადგინა და განაცხადა, რომ პარტიის სიის წევრების არჩევაში ყველა რეგიონი და თითოეული წევრი მიიღებს მონაწილეობას.
საბოლოო სიის დამტკიცება კი პოლიტსაბჭოს წევრების მიერ მოხდება.
„საქართველო რეგიონებს, რაიონებს საკუთარი წარმომადგენელი, მაჟორიტარის გარდა, პარტიის პოლიტიკურ სიაშიც ეყოლებათ. კანდიდატების შერჩევისას სამი პრინციპი იქნება გათვალისწინებული და ამოსავალი წერტილი იქნება ხალხის ნდობა.
ყველა რეგიონს ეცოდინება, რომ მათი წარმომადგენელი იქნება ის, ვისაც ყველაზე მაღალი ნდობა აქვს. მეორე ძირითად პრინციპი ახალი სახეები იქნება, რაც პარტიის განახლებისთვის აუცილებელია და მესამე პრინციპი ცენტრალური ოფისის და სამდივნოს როლი იქნება, რომელსაც ასევე ექნება კანდიდატების წარდგენის უფლება. მათი გამოცდილების გამოყენება მნიშვნელოვანია,“ – განაცხადა დავით ბაქრაძემ.
