"ნაციონალური მოძრაობის" ერთ-ერთი ლიდერის დავით ბაქრაძის განცხადებით, პარტია პოლიტიკურ ბრძოლას აგრძელებს.
ამის შესახებ ამ წუთებში დავით ბაქარძემ სპეციალურად გამართულ ბრიფინგზე განაცხადა, თუმცა პარტიის გეგმების შესახებ არ უსაუბრია და აღნიშნა, რომ გადაწყვეტილება საზოგადოებისთვის მას შემდეგ გახდება ცნობილი, რაც პოლიტსაბჭო საბოლოოდ ჩამოყალიბდება აღნიშნულ საკითხზე.
"დღევანდელი განცხადებები ცხადყოფს, რომ "ნაციონალური მოძრაობა" აღარ არის ერთადერთი ოპოზიციური ძალა, პარტია არის ერთადერთი პროდასავლური ძალა ქვეყანაში. ამიტომ ნაჩქარევი გადაწყვეტილებების მიღება შეიძლება იყოს ხელისუფლების გაძლიერებისთვის. დღევანელი განცხადებები ემსახურებოდა ორთქლის გამოშვებას, თუმცა ჩვენ არ ვაპირებთ ორთქლი გამოვუშვათ. არ ვაპირებთ გულის მოფხანას და ვაგრძელებთ ბრძოლას. გეგმას უახლოეს დღეებში წარმოგიდგენთ. ვაგრძელებთ ბრძოლას კანონიერი მეთოდებით. რაც გულისხმობს საპროტესტო აქციებს, პოლიტიკურ ინსტანციებში ბრძოლას და უცხოელი პარტნიორების საქმის კურსში ჩაყენებას", _ აღნიშნა ბაქრაძემ.
