ხანძარს ექვსი ადამიანის სიცოცხლე ემსხვერპლა

ჩილეში ტყის ხანძართან ბრძოლის დროს 6 ადამიანი დაიღუპა. აღნიშნულ ინფორმაციას BBC ავრცელებს.

როგორც ცნობილია, ცეცხლის ჩამქრობ ოპერაციაში ამერიკის შეერთებული შტატებიდან გიგანტური ბოინგი 747 მონაწილეობს.

ჩილეს ეროვნული სატყეო კორპორაციის განცხადებით, ცეცხლი სწრაფად ვრცელდება და 238 000 ჰექტარი უკვე დააზიანა.

მაუწყებლის ცნობით, ძლიერი ხანძრის გამო 4 000-ზე მეტი ადამიანი საცხოვრებელი სახლებიდან ევაკუირებულია.

როგორც ცნობილია, ჩილეს პრეზიდენტმა მიშელ ბაჩელეტმა ცეცხლის ჩამქრობ ოპერაციაში დასახმარებლად ფრანგ კოლეგას, ფრანსუა ოლანდს მიმართა, რომელიც ჩილეში ვიზიტით იმყოფებოდა.

გავრცელებული ინფორმაციით, ჩილემ ვერტმფრენებით და თვითმფრინავებით დახმარება ასევე ამერიკის შეერთებულ შტატებს, კანადას, მექსიკას, არგენტინას, ბრაზილიას, ურუგვაის და პერუს სთხოვა.