მაშველებმა თბილისში, სოფელ დიღომში ჭაში ჩავარდნილი ძროხა ამწით ამოიყვანეს. შემთხვევა გვიან საღამოს მოხდა.
როგორც საგანგებო სიტუაციების მართვის სამსახურში ამბობენ, დიდგორის ქუჩაზე მცხოვრებმა ერთ-ერთმა მოქალაქემ მაშველების დახმარება მას შემდეგ ითხოვა, როდესაც აღმოაჩინა, რომ მისი შინაური ცხოველი სახლში არ დაბრუნდა, მოგვიანებით კი ჭაში ჩავარდნილი იპოვა. შინაური ცხოველი მაშველებმა უვნებლად ამოიყვანეს.
