ნატალი პორტმანი – ნატალი პორტმანი ბავშვობიდან კინოინდუსტრიაშია, ის ახერხებდა და დღემდე ახერხებს იმას, რომ პირადი ცხოვრების დეტალები არ გასაჯაროვდეს. ნატალის შესახებ ვერაფერს გაიგებთ, ვერც ვერსად ნახავთ, სანამ მისი ახალი ფილმი არ გამოვა. არ უყვარს პრესასთან ურთიერთობა. ნატალის ცხოვრების შესახებ ვერც მისი პიარ მენეჯერისგან და ვერც მეგობრებისგან ვერაფერს შეიტყობთ.
მერილ სტრიპი – ქალი, რომელმაც შესანიშნავად იცის რას აკეთებს და როგორ იყოს ყურადღების ცენტრში ყოველთვის, თან ისე, რომ პირადი ცხოვრების დეტალები არ გაახმაუროს. მერილს ჰოლივუდის დედოფალს უწოდებენ. ყოველთვის ვხედავთ წითელ ხალიჩაზე, დაჯილდოებების ცერემონიებზე, მაგრამ იშვიათად ნახავთ მასთან ინტერვიუებს. დიდად არ ხიბლავს პრესასთან კომუნიკაცია და მით უფრო, პირად ცხოვრებაზე და ოჯახზე საუბარი.
სანდრა ბალოკი – სანდრას არასოდეს უყვარდა საჯაროდ თავის პირად ცხოვრებაზე საუბარი, თუმცა ბოლო დროს მაქსიმალურად ცდილობს პირადი თემები არ გახმაურდეს. ის ჟურნალისტებთან ურთიერთობს, წითელ ხალიჩაზეც ხშირად ჩნდება, თუმცა მედიის წარმომადგენლები მკაცრად ჰყავს გაფრთხილებული, რომ შვილებსა და პირად ცხოვრებაზე არაფერი არ უნდა ჰკითხონ.
ჯულია რობერტსი – ჯულია რობერტსი ადრე თავისი ურთიერთობებისა და პირადი ცხოვრების შესახებ არაფერს მალავდა და ყველაფერზე ღიად და საჯაროდ საუბრობდა, მაგრამ ახლა ასე აღარ იქცევა. ჯულიას კვლავ წარმატებული სამსახიობო კარიერა აქვს, თუმცა უფრო ჩაკეტილი გახდა და პირადი ცხოვრების შესახებ საუბარს თავს არიდებს. იშვიათად დადის წვეულებებზე, იშვიათად აძლევს ჟურნალისტებს ინტერვიუებს.
