გარდაბანში, სადგურის ქუჩაზე, მესამე საჯარო სკოლის შენობაში ხანძარი გაჩნდა.
საგანგებო სიტუაციის მართვის სამსახურის ინფორმაციით, ხანძარი იყო ოთხსართულიანი საჯარო სკოლის შენობის მეორე სართულზე ერთ-ერთ ოთახში.
შენობიდან მოსწავლეები და პედაგოგები უსაფრთხოდ გამოვიდნენ. დაშავებული არავინ არის.
ადგილზე მობილიზებული იყო სამი ეკიპაჟი.
სკოლაში გაჩენილი ხანძარი ამ დროისთვის ლიკვიდირებულია.
