ნაციონალური მოძრაობის ლიდერის ნიკა მელიას მამა ექიმი კარდიოლოგი ანზორ მელია ტელეკომპანია პირველის „დღის ამბებში“ ისაუბრა საკუთარ მოლოდინებზე სასამართლო პროცესის წინ.
„ მთავრობაში მოიძებნება ერთი-ორი საღი აზროვნების ადამიანი, რომელიც საბედისწერო შეცდომას არ დაუშვებს. ეს ხომ არ არის ნიკა მელიას დაპატიმრება, ნაციონალური პარტიის თავჯდომარის. ეს არის პატრიოტის დაპატიმრება. ვნახეთ გუშინ პარლამენტის წინ ნაციონალები იდგნენ? იქ იყვნენ ახალგაზრდები 17 -20 წლის ბიჭები, რომლებიც იცავდნენ ღირსებას ქართველი კაცისას. ვინც ვდგავართ სწორ ხაზზე გვებრძვიან და უნდათ ნიკას დაჭერა. მარტო ნიკას კი არ იჭერენ ამით, მთელს საღად მოაზროვნე ქართველ ხალხს. მე კი არა, არც ერთ ქართველს არ ჰყავს შვილი გავრილოვის დასაჭერი. გავრილოვი იჭერს დღეს ნიკას და ცოტა გამოფხიზლდნენ. მუდმივად ისინი იმ თანამდებობებზე არ იქნებიან და მეცოდენიან ისინი. მე ვნერვიულობ როგორც მშობელი, ჩემი მეუღლეც ნერვიულობს ძალიან, მაგრამ ვიცით რომ ჩვენს შვილს ასამართლებენ, მხოლოდ სამშობლოს სიყვარულის გამო. მე ვუდგევარ როგორც შემიძლია. ჩემს თავსაც მოვერიე და არ ვნერვიულობ. ვნახოთ როგორ იქნება, მაგრამ არამგონია რომ დღეს მოსამართლემ მიიღოს ეს გადაწყვეტილება, რაც უბრძანეს.“
ანზორ მელია ასევე საუბრობს კოლეგებზე, რომლებიც თავიანთი პროფესიიდან პარლამენტში წავიდნენ, რის შემდეგაც მათ კოლეგებად არ თვლის. ექიმის თქმით ყველა თავის ბიზნეს მფარველობს და პარლამენტში მყოფი ექიმებს არია მედროვენი. რის გამოც არ გაჰკვირვებია ის რომ მხარი არ დაუჭირეს ნიკა მელიას.
„მე ვიცნობ ჩემს შვილს და მე მივესალმები მის გადაწყვეტილებას. არაკაცი უნდა იყო, რომ დათანხმდე რასაც გთავაზობს ეს მთავრობა. მე რომ ვიყო ნიკას ადგილზე იმავეს გავაკეთებდი. როდესაც ნიკამ სამაჯური ისროლა ჩემმა მეუღლემ მისწერა ნიკას: „ბრძოლა ბოლომდე“, ეს იყო ნიკასთვის ყველაზე დიდი ჯილდო. ყოველთვის წინააღმდეგი ვიყავით ნიკა რომ პარტიაში იყო. ნიკამ უნდა იბრძოლოს, თორემ თუ თავს დაუხრით ყველანი უსამართლობას, მაშინ არ გვეშველება. ახალგაზრდები რომლებიც მოდიან არ გვაპატიებენ იმ შეცდომებს რა დავუშვით. მოთმენა ყოველთვის არ შეიძლება. ბრძოლა ბოლომდეა საჭირო და ნიკა იბრძვის ბოლომდე”.
