მსოფლიო ლიდერები ამბობენ, რომ გლობალური ხელშეკრულების გაფორმებაა საჭირო ქვეყნების პანდემიისგან დასაცავად. ამის შესახებ Anadolu-ს ინფორმაციით, ნათქვამია წერილში, რომელსაც ხელს მსოფლიოს წამყვანი ქვეყნების ლიდერები აწერენ.
წერილში, რომელიც დიდი შვიდიანის ჯანდაცვის მინისტრების შეხვედრის შემდეგ გამოვიდა, ნათქვამია, რომ პანდემია იყო ”მკაცრი და მტკივნეული შეხსენება იმისა, რომ არავინ არ არის დაცული, სანამ ყველა დაუცველია“.
წერილს ხელს აწერენ ბრიტანეთის პრემიერ-მინისტრი ბორის ჯონსონი, საფრანგეთის პრეზიდენტი ემანუელ მაკრონი, გერმანიის კანცლერი ანგელა მერკელი და კიდევ 21 წამყვანი პირი მსოფლიოს სხვადასხვა ქვეყნიდან.
წერილში ნათქვამია, რომ კოვიდ 19-ის პანდემია უდიდესი გამოწვევაა მსოფლიო საზოგადოებისთვის 1940 წლის შემდეგ.
მასში წერია, რომ მეორე მსოფლიო ომის შემდეგ მსოფლიო ლიდერები გაერთიანდნენ, რომ იზოლაციონიზმისა და ნაციონალიზმის ცდუნებების გაეფანტათ და გამოწვევები გადაეჭრათ.
„მხოლოდ ერთად შეიძლება მიღწევა მშვიდობის, კეთილდღეობის, ჯანმრთელობის და უსაფრთხოების.
დღეს ჩვენ კოვიდპანდემიას ერთობლივად უნდა ვებრძოლოთ. ჩვენ შეგვიძლია ავაშენოთ უფრო მეტად ძლიერი საერთაშორისო ჯანდაცვის არქიტექტურა, რომელიც დაიცავს მომავალ თაობებს“,_ ნათქვამია წერილში.
წერილში აღნიშნულია, რომ პანდემია ყველას თანაბარ პასუხისმგებლობას აკისრებს და ხელშეკრულების მთავარი მიზანია ეროვნული, რეგიონული და გლობალური შესაძლებლობების გაძლიერება და მომავალი პანდემიების მიმართ გამძლეობა.
