ესპანელმა ევროპარლამენტარმა ნაჩე სანჩეს ამორმა ON: TIME-ის არხზე, ნათია გოგსაძესთან ინტერვიუში საქართველოში არსებულ ვითარებაზე და ევროპარლამენტში არსებულ მოლოდინებზე ვრცლად ისაუბრა.
როგორც სანჩეს ამორმა განაცხადა, “ქართული ოცნების” წევრებს სასანქციო სიებში მოხვედრა ძალიან აწუხებთ:
“მათ [ოცნებას] არანაირი განცხადება, რეზოლუცია ან კრიტიკა არ აწუხებთ – მაგრამ როცა კონკრეტული გვარი ჩნდება „სასანქციო სიაში“, იქ უკვე რეალური პანიკაა. სანქციები უნდა შეეხოს მათ ანგარიშებს, მოგზაურობას, ოჯახის წევრებს.
პერსონალური სანქციების შედეგები მართლაც მძიმე იქნება. პარლამენტის პოზიცია ნათელია,ჩვენ მივმართავთ საბჭოს და კომისიას. უმაღლეს წარმომადგენელს კაია კალასს, რომ სანქციები არის მნიშვნელოვანი გამოსავალი. ჩვენ უკვე ვცადეთ ევროკავშირის ფარგლებში სანქციების შემოღება. მაგრამ პრობლემა ის არის, რომ საჭიროა საბჭოს ერთსულოვანი მხარდაჭერა. ყველამ იცის – ზოგი ქვეყანა ჯერ კიდევ წინააღმდეგია. ამიტომ დღეს ვმუშაობთ ორი მიმართულებით: ევროკავშირის შიდა ფორმატში — საერთო გადაწყვეტილება, როგორც უკრაინის შემთხვევაში ან მეორე ვარიანტი – ინდივიდუალურად წევრ სახელმწიფოებთან – რომ ცალ-ცალკე დააწესონ წევრმა ქვეყნებმა სანქციები.
ჩვენს თბილისში ვიზიტის დროს, საზოგადოებრივ აქტივისტებთან საუბრისას გაირკვა, რომ კონკრეტულ პირებს, ვინც იგრძნო სანქციების საფრთხე, უკვე ჰქონდათ რეაქცია: როგორც უკვე გითხარით , მათ დაიწყეს გარკვევა – „როგორ ავირიდოთ სანქცირება?“ „როგორ მოვახერხოთ, რომ ჩვენი სახელი არ გაჟღერდეს?“გადავარჩინოთ ჩვენი ქონება. ასეთ დროს იწყება ნამდვილი შიში. როცა კანონზე ან რეზოლუციაზე ვსაუბრობთ – სიჩუმეა. მაგრამ როცა საუბარია კონკრეტულ გვარებზე — იქ რეაქცია იწყება” ,_ თქვა სანჩეს ამორმა სანქციებთან დაკავშირებით დასმული კითხვის საპასუხოდ.
ევროპარლამენტარმა საქართველოში დაგეგმილ თვითმმართველობის არჩევნებზეც ისაუბრა:
“როცა ოპოზიციას შევხვდით, იგრძნობოდა გაორებული მდგომარეობა. გადაწყვეტილების მიღებამდე აქ მთავარ კითხვას უნდა გაეცეს პასუხი – რა პირობებში შედიხარ არჩვებში? არის თუ არა გაუმჯობესებული საარჩევნო გარემო? რთული გადაწყვეტილებაა, მაგრამ ამ შემთხვევაში ფოკუსი უნდა გადავიტანოთ საარჩევნო პირობებზე, რომელიც ეხება საარჩევნო გარემოს, ხელისუფლების დამოკიდებულებას, საარჩევნო გამოცდილებას რომელიც არის ქვეყანაში. ამიტომ პირველ რიგში ის უნდა გაირკვეს თამაშის რა წესებით ჩატარდება ადგილობრივი თვითმმართველობის არჩევნები, მესმის რომ რთული გადაწყვეტილებაა, მაგრამ უნდა გაარკვიო იგივე რეპეტიციაზე მოხვდები თუ არა რაც ადრე იყო და ეს ყველაფერი უახლოესი კვირების მანძილზე უნდა გაირკვეს ,_ თქვა მან ON:TIME-თან.
სანჩესი განმარტავს, რომ ევროკავშირი არ აღიარებს 2024 წლის არჩევნების შედეგებს, სწორედ ამიტომ ორგანიზაციამ სამთავრობო დონეზე “ოცნებასთან” ურთიერთობა სრულიად შეწყვიტა:
“ევროკავშირის პოზიცია თავიდანვე ნათელი და ცალსახა იყო, ჩვენ არ ვაღიარებთ 2024 წლის არჩევნებს, იმიტომ რომ ყველამ იცის როგორც ჩატარდა ეს არჩევნები. სწორედ ამიტომ, ევროკავშირმა სამთავრობო დონეზე ოცნებასთან ურთიერთობა შეწყვიტა, იგივე ეხება პარლამენტს. ჩვენი დელეგაცია თბილისში ყოფნისას არ შეხვდა ოცების პარლამენტარებს. ამის ნაცვლად ჩვენ შევხვდით ოპოზიციას და სამოქალაქო სექტორს,” – განმარტავს ევროპარლამენტარი ნათია გოგსაძესთან საუბრისას.
წყარო: მთავარი
