“ჟურნალისტი არ უნდა ისჯებოდეს თავის სამუშაოს შესრულების გამო”- ევროპარლამენტარმა ლენა შილინგმა მზია ამაღლობელის გათავისუფლების მოთხოვნით პეტიცია შექმნა.
“მზია ამაღლობელი საქართველოს ერთ-ერთი ყველაზე მამაცი დამოუკიდებელი ჟურნალისტია.
დღეს ის ციხეში ზის – მას 7 წლამდე თავისუფლების აღკვეთა ემუქრება – იმიტომ, რომ თავისუფალი მედიის, დემოკრატიისა და საქართველოს ევროპული მომავლისთვის იბრძოდა.
მისი „დანაშაული“?
მშვიდობიანი პროტესტი – და მცირე შელაპარაკება პოლიციელთან, რასაც ადამიანის უფლებათა დამცველი ორგანიზაციები სრულიად არაპროპორციულს უწოდებენ.
ჩვენ მხარს ვუჭერთ მზია ამაღლობელს, მის კოლეგებს „ნეტგაზეთში“ – და ყველა დამოუკიდებელ ჟურნალისტს, რომლებიც საქართველოში თავისუფლებისთვის იბრძვიან.
მოვუწოდებთ საქართველოს ხელისუფლებას:
დაუყოვნებლივ გაათავისუფლოს მზია,
მოხსნას არაპროპორციული ბრალდებები,
ჩაატაროს დამოუკიდებელი გამოძიება მის მიმართ პატიმრობაში არასათანადო მოპყრობასთან დაკავშირებით.
რატომ არის მისი საქმე მნიშვნელოვანი?
მზია სიმბოლურად გამოხატავს საქართველოს ბრძოლას დემოკრატიული, ევროპული მომავლისთვის.
მისი დაპატიმრება პრესის თავისუფლების შემაშფოთებელ ეროზიას აჩვენებს.
მაღალი თანამდებობის პირებმა ღიად დაარღვიეს მისი უდანაშაულობის პრეზუმფცია და იგი „უცხოელ აგენტად“ და „კრიმინალად“ წარმოაჩინეს.
მისი დაკავება განსხვავებული აზრისა და დამოუკიდებელი ჟურნალისტიკის წინააღმდეგ ფართომასშტაბიანი რეპრესიის ნაწილია, რომლის მიზანია სხვების შიშით გაჩუმება.
გამბედაობა არასდროს არ უნდა იყოს კრიმინალიზებული”,_ ნათქვამია პეტიციის ტექსტში.
პეტიციაზე ხელის მოწერა აღნიშნულ ლინკზე შეგიძლიათ.
