წელს, სოფლის მხარდაჭერის პროგრამის ბიუჯეტიდან, რომელიც რეგიონებში გასახორციელებელი პროექტების ფონდიდან ფინანსდება, ლანჩხუთის მუნიციპალიტეტისთვის განკუთვნილი თანხა, წინა წლების მსგავსად, 748 ათასი ლარით განისაზღვრა. ეს თანხა წილობრივად ყველა ტერიტორიულ ერთეულზე გადანაწილდა, სადაც სოფლის კრებებზე მოსახლეობამ პრიორიტეტებიც განსაზღვრა.
მოსახლეობის მიერ გამოკვეთილი პრიორიტეტების მიხედვით მიმდინარე წელს სოფლის პროგრამიდან ზემო შუხუთში სასაფლაოს შეღობვისა და მიმდებარე ტერიტორიის მოწესრიგებისა და ა. კალანდაძის ქუჩაზე დაზიანებული მილხიდის აღდგენისთვის 12-12 ათასი ლარი დაიხარჯება. კერძოდ, შუხუთის ცენტრში მშენებარე სკვერის დასრულება და ადმინისტრაციული შენობის ეზოს მოწესრიგებაა გათვალისწინებული.
ჩოჩხათის ადმინისტრაციულ ერთეულში სულ 13 ობიექტის მოსაწესრიგებლად 74 ათასი ლარი დაიხარჯება; სოფელ ჯიხანჯირში სოფლის პროგრამიდან, მოსახლეობის არჩევნით, გზის რეაბილიტაცია და გარე განათების დასრულება გადაწყდა, რისთვისაც 12 ათასი ლარია გათვალისწინებული; სოფელ შრომისუბანშიც იგივე თანხით ანალოგიური სამუშაოები გახორციელდება. ჩოჩხათის ადმინისტრაციაში შემავალ სოფელ მოედანში წყლის სისტემა მოწესრიგდება და გარე განათება დასრულდება, რისთვისაც ასევე12 ათასი ლარის დახარჯვაა გამიზნული. ჩოჩხათის კიდევ ერთ სოფელ ხორეთში სოფლის პროგრამიდან მიღებული 12 ათასი გზის რეაბილიტაციაა გამიზნული.
უშუალოდ ჩოჩხათში კი, სოფლის პროგრამიდან, ორ ობიექტზე გახორციელდება შესაბამისი სამუშაოები და საამისოდ 16 ათასი ლარია პროგრამაში ჩასმული. სოფელ გულიანში გარე განათების დასრულებისა და სკვერის მოწყობისთვის, 12 ათასი ლარი გაიხარჯება.
სოფელ კოკათის წილმა კი, სოფლის პროგრამის თანხებიდან 10 ათასი ლარი შეადგინა და ის გარე განათების დასრულებას და გზის რეაბილიტაციას მოხმარდება.
ნიგოითის ადმინისტრაციაში სულ რვა ობიექტის რეაბილიტაცია იგეგმება, რისთვისაც, მთლიანობაში, სოფლის პროგრამით 86 ათასი ლარია გამოყოფილი. სოფელ ქვიანში “ფიჩორას” უბანში სასაფლაოსთან მისასვლელი გზის მობეტონება გადაწყდა და საამისოდ 16 ათასი ლარია განკუთვნილი. ჩოლობარგში კი, პრიორიტეტად სოფლის ცენტრში სკვერის და ფანჩატურის მოწყობა დასახელდა თავისი ინვენტარით. საამისოდ 16 ათასი ლარი დაიხარჯება. სოფელ ჭყონაგორაში სოფლის პროგრამიდან სასაფლაოს შეღობვისა და სკვერის ეზოში საპირფარეშოს მოსაწყობად 16 ათასი ლარს დახარჯავენ. ჯაპანაში 12 ათასი ლარით წმ. გიორგის ქუჩის მოხრეშვა, დაგრეიდერება და მოსწორება გათვალისწინებული. უშუალოდ ნიგოითს 16 ათასი ლარი ერგო და ეს თანხა გარე განათებისა და გზების მოწესრიგებას მოხმარდება. ჯიხეთში კი სარეკრეაციო სივრცის კეთილმოსაწყობად 10 ათასი ლარია გამოყოფილი.
აკეთის ადმინისტრაციულ ერთეულში შემავალ სოფლებში გაგურში, ჭანჭათში, ზემო აკეთსა და ქვემო აკეთში, ჯამში, 54 ათასი ლარის ღირებულების სამუშაოები უნდა შესრულდეს სოფლის პროგრამის თანხებით. კერძოდ, გაგურში 10 000 ლარი გარე განათების მოწყობასა და სოფლის ცენტრში საპირფარეშოს რეაბილიტაციას მოხმარდება. ჭანჭათში 16 ათასი ლარი სოფლის ცენტრის რეაბილიტაციასა და გარე განათების მოსაწყობადაა გამიზნული. 12 ათასი ლარი, ზემო აკეთში, ტენისის მაგიდის შეძენისა და სპორტული მოედნის მოწყობისთვისაა გათვალისწინებული. ქვემო აკეთის სხვადასხვა უბნებში გარე განათების მოსაწყობად და სპორტული ინვენტარის შეძენისთვის 16 ათასი ლარი მიიმართება. აცანის ადმინისტრაციულ ერთეულს მთლიანობაში 28 ათასი ლარი ერგო. აქედან, 16 ათასი ლარით სოფელ აცანაში, ცენტრის მიმდებარე ტერიტორიაზე გარე განათების მოწყობა და სკოლისთვის ტენისის მაგიდის შეძენაა გადაწყვეტილი. ხოლო დარჩენილი 12 ათასი ლარი სოფელ ტელმანში კანიონის მიმდებარედ განათების მოწყობა გადაწყდა.
მამათის ადმინისტრაციულ ერთეულს სოფლის პროგრამის თანხიდან 44 ათასი ლარი ერგო, საიდანაც 10 ათასი ლარით გარე განათების მოწყობა და სოფლის სასაფლაოსთვის მავთულბადის შეძენა გადაწყდა. კონჭკათში 12 ათას ლარად ადმინისტრაციული შენობის ირგვლივ ღობის რეკონსტრუქცია, განათებების მოწყობა და 1941-45 წლებში დაღუპულთა მემორიალის რესტავრაცია გადაწყდა. იგივე სამუშაოები გახორციელდება სოფლის პროგრამის თანხებით მამათსა და ქვემო მამათშიც და საამისოდ, შესაბამისად, 12 ათასი ლარი და 10 ათასი ლარია განკუთვნილი.
მაჩხვარეთში, საერთო ჯამში, 36 ათასი ლარის სამუშაოები შესრულდება. ჯუნმერეში ჯაყელის უბანში სანიაღვრე არხის დამონტაჟებასა და ჯუნმერეს სტადიონზე სპორტული ინფრასტრუქტურის მოწყობას 10 ათასი ლარი სჭირდება. სოფელ მაჩხვარეთში 16 ათასი ლარი ნოზაძეების უბანში გარე განათების მოწყობასა და კვირკველიების უბანში ახალი სასაფლაოს შეღობვას 16 ათასი ლარი მოხმარდება. სოფელ ორაგვეში სანიაღვრე არხის დამონტაჟებასა და სკვერის მოწყობას _10 ათასი ლარი.
სოფლის პროგრამიდან, მიმდინარე წელს გვიმბალაურის ადმინისტრაციაში სამ ობიექტზე 28 ათასი ლარის სამუშაოები შესრულდება. ჯუნეწერში სპორტული ინფრასტრუქტურის გასამართად 12 ათასი ლარია განკუთვნილი. სოფელ გვიმბალაურში, ბეტონის გზის დასაგებად და სასაფლაოს შეღობვა-კეთილმოწყობისთვის _16 ათასი ლარი.
ჩიბათის ადმინისტრაციაში პრიორიტეტად ცხრა ობიექტი შეირჩა, რისთვისაც პროგრამით 40 ათასი ლარი დაიხარჯება. ზემო ჩიბათში 12 ათას ლარად ოთახის გარემონტება, სპორტული ინვენტარის შეძენა, ცენტრალურ მაგისტრალზე განათების მოწყობა და “ლაბახო” მდინარის გადაღობვა გადაწყდა. ქვემო ჩიბათში სოფლის ბიბლიოთეკის მოწყობა, წყლის მილების შეძენა და სულაბერიძეების უბანში მოსაცდელის მოწყობა გადაწყდა სოფლის პროგრამიდან გამოყოფილი 16 ათასი ლარით. რაც შეეხება სოფელ ჭალას, აქ 12 ათასი ლარი საყანე ფართობებსა და ავტომაგისტრალის გასწვრივ მილხიდების მოსაწყობად და სასაფლაოზე გარე განათების დამონტაჟებისთვის მიიმართება.
ლესის ადმინისტრაციაში სულ 32 ათასი ლარი დაიხარჯება. 20 ათასი ლარით სოფელში გარე განათების მოწყობა და ადმინისტრაციული შენობის გარე ფასადის რეაბილიტაცია გადაწყდა, ხოლო დარჩენილი 12 ათასი ლარით _ ჭინათში სადინარი არხისა და გარე განათების მოწყობა.
ჯურუყვეთის ადმინისტრაციაში სოფლის პროგრამით რვა ობიექტზე ჩატარდება სამუშაოები, რაც, საერთო ჯამში, 40 ათასი ლარით ფინანსდება. კერძოდ, სოფელ ბაღლეფში გარე განათების მოსაწყობად 12 ათასი ლარია განკუთვნილი. ასევე 12 ათასი ლარია განკუთვნილი ეწერში ამბულატორიის ეზოს შეღობვისთვის და სოფელში გარე განათებების მოსაწყობად. 16 ათასი ლარით დაიგეგმა ჯურუყვეთის სკოლის მიმდებარედ სკვერის მოწყობა და სოფლის ორ უბანში გარე განათებების დამონტაჟება.
ნინოშვილის ადმინისტრაციაში 24 ათასი ლარი ასე გადანაწილდა _ სოფელ ყელაში 12 ათასი ლარი გზის მოხრეშვას მოხმარდება, ხოლო სოფელ ნინოშვილში იგივე რაოდენობის თანხით გზის მოხრეშვა და გარე განათების მონტაჟი გადაწყდა.
ნიგვზიანის ადმინისტრაციულ ერთეულში შემავალ სოფლებში კი სოფლის პროგრამიდან გასახორციელებელი სამუშაოები 62 ათასი ლარით დაფინანსდება.10 ათას ლარად ჩანჩეთში ბეტონის არხი უნდა გაკეთდეს. არჩეულში 12 ათას ლარად _ გზისპირა მოსაცდელი და გარე განათება. ნიგვზიანში 20 ათასი ლარით გადაწყდა, რომ ღია არხი გაიწმინდოს, გარე განათება მოეწყოს და ბიბლიოთეკის ეზოში სველი წერტილი გაკეთდეს. ჯიხანჯირის უბანში გზის ორმოვანი შეკეთება და ცხაურის მოწყობა, გარე განათების მონტაჟი და სპარტაკ თევზაძის კარმიდამოსთან ღია არხისა და ცხაურის მოსაწყობად გაიხარჯება 20 ათასი ლარი, რომელიც სოფლის პროგრამიდან სოფელ ხაჯალიას ერგო.
სუფსის ადმინისტრაცია სოფლის პროგრამიდან 92 ათასი ლარით დაფინანსდა, რაც 14 ობიექტზე გადანაწილდება. ახალსოფელში 16 ათასი გარე განათების მოწყობისა და წყლის სისტემის რეაბილიტაციისთვის დაიხარჯება. იმავე ოდენობის თანხით, ტაბანათში სანიაღვრე არხი გაიწმინდება და წყლის სისტემის რეაბილიტაცია მოხდება. ჩქუნში 10 ათას ლარად წყლის სისტემა მოეწყობა და სანიაღვრე არხი გასუფთავდება. სუფსაში 12 ათასი ლარი გარე განათების მოსაწყობად და სანიაღვრე არხების გასაწმენდადაა გამიზნული. ხიდმაღალაში გარე განათებისა და სანიაღვრე არხების მოწყობა ჩაითვალა პრიორიტეტად და საამისოდ 16 ათასი ლარია გამიზნული. გრიგოლეთში სანიაღვრე არხებისა და სპორტული მოედნის რეაბილიტაციისთვის _12 ათასი ლარი. 10 ათასი ლარი მოხმარდება მალთაყვაში შიდა გზების მოხრეშვასა და სპორტული სივრცის მოწყობას.
ღრმაღელის ადმინისტრაციულ ერთეულში, სოფლის პროგრამით, 64 ათასი ლარი გაიხარჯება. კერძოდ, წყალწმინდაში გზის მოხრეშვისა და გარე განათების მოწყობისთვის 20 ათასი ლარის ღირებულების სამუშაოები შესრულდება, ღრმაღელეში სკვერის შემოღობვისა და სანიაღვრე არხების მოწყობისთვის 16 ათასი ლარი გათვალისწინებული, ომფარეთში კი 16 ათასი ლარით სასაფლაოს შეღობვა და გარე განათების მოწყობა გადაწყდა. ორმეთში კი სასაფლაოსთან მისასვლელი გზის რკინა-ბეტონის საფარისა და სკვერის ღობისთვის 12 ათასი ლარია გათვალისწინებული.
ავტორი
