დღეს იშვიათია ადამიანი, რომელიც საკუთარ ინტერესებზე წინ სრულიად უცხო, სოციალურად დაუცველი ადამიანების კეთილდღეობას აყენებს. სწორედ ასეთ ადამიანზე მინდა გესაუბროთ.
ლუი ორაგველიძე წარმოშობით ლანჩხუთიდანაა. რამდენიმე წლის წინ მან მეგობართან ერთად დააფუძნა ჯგუფი „This is ლანჩხუთი“, რომლის მეშვეობითაც არაერთი მნიშვნელოვანი სოციალური პროექტი განხორციელდა. მათი ინიციატივით გაიმართა სამი საქველმოქმედო საღამო, ხოლო შემოსული თანხები სრულად გადაეცა ბენეფიციარებს, რომლებიც საფრანგეთში მკურნალობას გადიან.
განსაკუთრებული ადგილი ლუის საქმიანობაში შშმ ბავშვების მხარდაჭერას უჭირავს. მისი მთავარი სურვილია, ამ ადამიანებმა იგრძნონ საზოგადოების თანადგომა, სითბო და მზრუნველობა.
ლუი აქტიურად მონაწილეობდა სხვადასხვა კრიზისულ ვითარებაში. ის ჩართული იყო შოვის ტრაგედიის შემდეგ მიმდინარე დახმარების პროცესში, ასევე ლანჩხუთში სტიქიის შედეგად დაზარალებული მოსახლეობის მხარდაჭერაში. მეგობრებთან ერთად აქტიურად აგროვებდა ჰუმანიტარულ დახმარებას უკრაინელი ხალხისთვისაც.
ბოლო პერიოდში ლუი კულტურული ღონისძიებების ორგანიზებითაც არის დაკავებული. მისი სოციალური ქსელების აუდიტორია ყოველდღიურად იზრდება, ხოლო მის მხიარულ და პოზიტიურ ვიდეოებს დიდი გამოხმაურება აქვს. სხვადასხვა ორგანიზაციისგან ხშირად იღებს თანამშრომლობისა და პიარ-პროექტების შეთავაზებებს, აქტიურად არის ჩართული ქართულ შოუ-ბიზნესში და მომავალში გურიის მასშტაბით არაერთი საინტერესო პროექტის განხორციელებას გეგმავს.
ლუი ორაგველიძის საქმიანობა ნათელი მაგალითია იმისა, თუ რამდენად დიდი ძალა აქვს სიკეთეს, თანადგომასა და საზოგადოებრივ პასუხისმგებლობას. სწორედ ამიტომ, ლანჩხუთში მას სიყვარულით „სიკეთის ფერიას“ უწოდებენ — სახელს, რომელიც მისი მრავალწლიანი საქველმოქმედო საქმიანობისა და ადამიანებისადმი უანგარო დამოკიდებულების საუკეთესო შეფასებაა.
