საინფორმაციო სააგენტო Reuters-მა გამოაქვეყნა დეტალები ვაშინგტონში დაგეგმილი სამმხრივი შეხვედრის დღის წესრიგიდან, რომელიც გაიმართება აგვისტოს 8-ს სომხეთის პრემიერ-მინისტრ ნიკოლ ფაშინიანს, აშშ-ის პრეზიდენტ დონალდ ტრამპსა და აზერბაიჯანის პრეზიდენტ ილჰამ ალიევს შორის, _ იუწყება armenpress.am.
Reuters სააგენტო, რომელსაც ეყრდნობა ინფორმირებული წყაროები, წერს, რომ სომხეთისა და აზერბაიჯანის ლიდერთა შეხვედრის დროს ხელი მოეწერება მშვიდობის ჩარჩო-შეთანხმებას, რომლის თანახმადაც აშშ-ს მიენიჭება ექსკლუზიური უფლებები სამხრეთ კავკასიაში სტრატეგიული სატრანზიტო დერეფნის განვითარებაზე. ამასთან, ხაზგასმულია, რომ აღნიშნული გზა იმუშავებს სომხეთის კანონმდებლობის ფარგლებში.
საეჭვო წყაროებზე დაყრდნობით, ოფიციალური პირები, რომელთა ვინაობა არ ხმაურდება, აღნიშნავენ, რომ დოკუმენტის თანახმად, სომხეთი გეგმავს ამერიკის შეერთებულ შტატებს მიანიჭოს სატრანზიტო დერეფნის განვითარების ექსკლუზიური და გრძელვადიანი უფლებები. დერეფანს ექნება დასახელება „ტრამპის მარშრუტი საერთაშორისო მშვიდობისა და კეთილდღეობისთვის“ (Trump Route for International Peace and Prosperity), შემოკლებით – TRIPP.
ოფიციალური პირების განმარტებით, მარშრუტი იმოქმედებს სომხეთის კანონმდებლობის შესაბამისად, ხოლო ამერიკის შეერთებული შტატები მიწას სუბქირავნებით გადასცემს რომელიმე კონსორციუმს ინფრასტრუქტურის მშენებლობისა და მართვის მიზნით.
ერთ-ერთი ოფიციალური პირის თქმით, ეს ნაბიჯი, როგორც სავაჭრო მექანიზმი, გახსნის რეგიონს და ხელს შეუშლის მომავალ სამხედრო დაპირისპირებებს.
