მისი თქმით, ამ დღეებში დაწერს განცხადებას გადადგომის შესახებ. ამის მიზეზად კი საპრეზიდენტო არჩევნების შემდეგ, ძალაში შესული ახალი კონსტიტუცია იქნება, რომლის თანახმად გუბერნატორების ინსტიტუტს სერიოზული ცვლილებები შეეხება.
ბალავაძემ ასევე არჩევნები შეაფასა და განაცხადა, რომ მიუხედავად დამარცხებისა “ნაციონალური მოძრაობა” ქვეყანაში რჩება, როგორც მთავარი ოპოზიციური ძალა. პარტია ბრძოლას ადგილობრივი არჩევნებისთვის გააგრძელებს.
“ამ დღეებში დავწერ განცხადებას გადადგომის შესახებ პრეზიდენტის სახელზე. “ნაციონალური მოძრაობა” ქვეყანაში ყველაზე ძლიერ ოპოზიციურ ძალად დარჩა და ამ არჩევნებმა ეს აჩვენა. წინ ადგილობრივი არჩევნებია და ამისთვის ვიბრძოლებთ,” _ განაცხადა ვახტანგ ბალავაძემ “გურია ნიუსთან” საუბრისას.
