“საშინლად დაბალი ეკონომიკური აქტიურობა გამოგვდის, ზრდის დაბალი ტემპი, დღეს გვაქვს სხვაობის ისეთი მაჩვენებლები, რომლის გადარჩენა ჯერ კიდევ შეიძლება, იმიტომ რომ ჯერ კიდევ არის ეკონომიკური ზრდა. დღეს ზრდის პრობლემა სხვანაირად არის დასანახი. საქართველოში არის სისტემური კრიზისი, უწყებები, დაწესებულებები, ინსტიტუტები აბსოლუტურად არაკოორდინირებულად მოქმედებენ. მთავრობას არ სურს გაიგოს, რომ სისტემური კრიზისის პერიოდში ასე მოქმედება არ შეიძლება. ამის საუკეთესო მაგალითია ეროვნული ბანკის ბოლო განცხადება. ამ ბანკმა რეინვესტირების განაკვეთი ანუ მონიტირალური პილიტიკის განაკვეთი 3,75 პროცენტზე დატოვა, ფაქტობრივად მიანიშნა მთავრობას, რომ მისი რესურსები ამოწურულია, რადგან ნული პროცენტიც რომ გაეხადა, არანაირ რეაქციას მახინჯი ქართული საბანკო სისტემა არ მისცემდა, იმიტომ რომ ბანკების ინტერესებში არ არის გრძელვადინი ფულის გაცემა. ეკონომიკისთვის ბანკები ისევ ჩაკეტილები არიან თავიანთ ინტერესებში, მთავრობა აბსოლუტურად არასწორად აცხადებს, რომ ბანკების საქმიანობაში არ ჩაერევა. ბანკებში შერჩევითი პოლიტიკაა, სწორედ ამიტომ მცირე და საშუალო ბიზნესის განვითარება უპერსპექტივობაა,” _ აცხადებს გიორხელიძე.
მისივე თქმით, დღეისთვის უკვე მომზადებული უნდა იყოს ნიადაგი, რომ 2014 წლისთვის ორნიშნა მაჩვენებელზე გავსულიყავით. ექსპერტის აზრით, მთავარია, როგორ მოხდება კურსის დაჭერა.
“ლარის კურსი არის არანორმალურად მაღალი, რომელიც ხელოვნურად უშლის ხელს ეკონომიკას, ფულის მასა და მიწოდებაც ხელოვნურადაა შემცირებული. მთავრობის განცხადებები არ არის რეალობაში იმ სიტუაციასთან, რომელიც დღეს ჩვენ გვაქვს ეკონომიკის სფეროში”.
ექსპერტის აზრით, მთავრობა არ ითვალისწინებს იმას, რომ ქართველი ხალხი გამოფიტულია ამდენი მოლოდინისა და უმუშევრობისგან. მიუხედავად იმისა, რომ დღეს ბიზნესს არავინ ატერორებს და თავისუფალია, ეკონომიკური მაჩვენებელი არ იძვრის ადგილიდან.
“მთავრობას მართებს ეკონომიკური და საშინაო პოლიტიკის გადაწყობა. ასევე, ძალიან დეტალური საუბარი იმ ადამიანებთან, ვინც გამოთქვამს ჯანსაღ კრიტიკას რეალური მდგომარეობისა. წინააღმდეგ შემთხვევაში ცალკეული ინიციატივებით გამორიცხულია არსებული მძიმე მდგომარეობიდან გამოსვლა. სისტემური კრიზისიდან გამოსავალი არ არსებობს ცალკეული ინიციატივებით, საჭიროა კომპლექსური მიდგომები და მკაცრი ტრაექტორიით მოძრაობა”.
