“მას შემდეგ, რაც კლუბ “გურიას” ახალი დირექტორი ჰყავს, ყველამ ზურგი გვაქცია”

მისი თქმით, კლუბს არაერთხელ გაუწია ფინანსური დახმარება, რაც სხვემა მიითვალეს და მის მიერ გაწეული დახმარება არად ჩააგდეს. თორთლაძემ საუბრის დასაწყისში აღნიშნა, რომ მას თავის გაკეთებულ საქმეზე საუბარი არ სურდა, მაგრამ გამოიწვიეს:

“მიზეზი, რამაც პრესკონფერენციის მოწყობა გადამაწყვეტინა არის ის, რომ გამომიწვიეს, შეიძლება ბევრი რამ გააკეთო, მაგრამ არ თქვა, მეც ასე მქონდა ჩაფიქრებული, მაგრამ არ გამომივიდა, იძულებული ვარ ბოლო მოვლენებიდან გამომდინარე ვისაუბრო. ზოგს ძილი არ აქვს გურიას სიყვარულით, ზოგიც რკინის ქალამნებს იცვამს, მაგრამ მინდა ვთქვა, რომ დღეს დილითაც კი ფული ფეხბურთელებს მე გავუგზავნე, ეს სწორედ დღეს დილით მოხდა. ხალხს ჰგონია, რომ ბიუჯეტი მხოლოდ ფეხბურთს ხმარდება, ამიტომაც მინდა სიმართლე ითქვას, თუ ვინ რას აკეთებს. მინდა დავიწყო იქიდან, რომ კობა საპარლამენტო არჩევნებამდე იყო ვეტერანთა კლუბის წევრი, მოგეხსენებათ, როცა თემურ ჩხაიძე უნდა გამხდარიყო დეპუტატი, ჩემი ძმა მოხსნეს სამსახურიდან, რასაც დაედო პოლიტიკური სარჩული და როდესაც იმედო დუნდუას ხსოვნის საღამო მოეწყო, დიდი წვლილი ფინანსურ საკითხში ისევ მე მიმიძღვის. ასევე ჩემი რძალიც გახდა პოლიტიკური შეხედულებების მსხვერპლი. აქედან გამომდინარე ვიცავდი ჩემს ოჯახს და მე მიცავდა რუსეთის დიპოლომატიური კორპუსი. ქუჩაშიც კი როცა გამოვდიოდი, ზურგში მაძახებდნენ, ოკუპანტი მოდისო. სახლში მოვარდნებიც არაერთხელ ყოფილა, უფრო მეტიც ჩემი ძმა ფაქტიურად სასიკვდილოდ გაწირეს. მაგრამ დღეს ყველას ახსოვს, რომ ლანჩხუთლები ვართ, მაშინ კი არავის გახსენებია,” _ განაცხადა თორთლაძემ.

მან სპორტით დაინტერესების მიზეზებზეც ისაუბრა:

_ რაც შეეხება ჩემი ფეხბურთით დაინტერესებას, კობა მირზაშვილი, რომელიც ამჯერად კლუბ “გურიას” დირექტორი და ჩემი ძმაა, არასდროს არ მალავდა, რომ ის იყო “ქართული ოცნების” მომხრე, რაც არაერთხელ დადებითად შეაფასა ექს გამგებელმა გია გოგუაძემაც კი, ეს იმ დროს, როცა გარკვეული კატეგორია ღიად ვერ ბედავდა ოცნების მაისურის ჩაცმას, მაგრამ დღეს საკმაოდ კარგად გრძნობენ თავს. მაგის შემდეგ, ჩემს ოჯახში ცხოვრობდნენ ლანჩხუთის დეპუტატის, თემურ ჩხაიძის მეგობრები, გაჟღერდა ინფორმაცია, რომ თითქოსდა ჩემ ოჯახს გადაუხადეს ფული, რაც სიცრუეა, ამას ვაფინანსებდი მე, რას ჰქვია ჩემ ოჯახში ადამიანს ფული გადავახდევინო, მაგისთვის არსებობს სასტუმრო. საწყენი იცით რა არის, როცა ჩემი ძმა კლუბის დირექტორი გახდა, ყველამ ზურგი გვაქცია. ჯერ დაინიშნა ერთი თვით, 10 აგვისტოს, როცა უმაღლეს ლიგას გადასასველად გუნდს უნდა ეთამაშა, 8 აგვისტოს გუნდმა დავალიანების გამო თამაშზე უარი განაცხადა. როცა ჩემმა ძმამ მითხრა, რომ 4 000 ლარის გამო გუნდი ეშლებოდა, მაშინვე ავდექი და გამოვაგზავნე ეს თანხა, მიუხედავად იმისა, რომ ჩემმა ძმამ ფეხბურთელებს თანხა გადაუხადა, ის ფეხბურთელები, რომლებიც ასრულებდნენ გარკვეულ დავალებას, რამეთუ დაშლილიყო გუნდი, მაინც წავიდნენ.

ვფიქრობ, რომ ეს ყველაფერი გათვლილი იყო იმაზე, რომ ჩემი ძმა გაეშვათ სამსახურიდან, თუ ბიჭები არ გავიდოდნენ სათამაშოდ, გუნდის დაშლა დაბრალდებოდა კობა მირზაშვილს. ხაზგასმით მინდა ვთქვა, რომ მიუხედავად იმისა, რომ ძალიან უჭირთ ფეხბურთელებს, როცა რამეს ვეუბნები, ჩემი სჯერათ. ამბობენ, რომ არ არის ბიუჯეტში თანხა, თუ ბიუჯეტი არ არის, ხომ შეიძლება ერთხელ მაინც ვინმემ იკითხოს რითი არსებობს გუნდი, რომ არა მე, რა უნდა ექნათ, რას აპირებდნენ?

_ იღებდით თუ არა მონაწილეობას სპონსორთან მოლაპარაკებაში და რა ხდება ამ კუთხით?

_ რა თქმა უნდა, იყო სპონსორის საკითხი, რომელთანაც მქონდა მოლაპარაკება, მაგრამ სპონსორმა რომ იყიდოს გუნდი, რომელიც არაა ჩამოყალიბებული, ცოტა რთულია. ყველა კარგად იშვერს თითს ჩემი ძმისკენ და წერენ პრესის საშუალებით, რომ დღე-ხვალეს ძახილში 4 თვე გავიდაო, ( ავტ. შეგახსენებთ ეს ფრაზა “გურია ნიუსთან” ინტერვიუში გამგებლის მოვალეობის შემსრულებელმა ზაზა ურუშაძემ თქვა), მაგრამ თუ ჩემი ძმა ტყუის და მათ ყავთ რეალური სპონსორი, ჩამოეყვანათ. იყო ასეთი რამ, მე თუ ჩამოვიყვანდი სპონსორს, ასევე გათვლილი გვქონდა რაიონის 80 ადამიანის დასაქმება, ჩემი ინტერესი ის იყო, რომ შემდეგ მოგება დაბრუნდებოდა ჩემთან, როდესაც დარწმუნდნენ იმაში, რომ მე ნამდვილად ვიყავი ამის გამკეთებელი, წავიდა ხელის შეშლა. ვითხოვდი მიწის იჯარით აღებას, მაგრამ ხელი შემიშალეს.

თუ რამეს ვაკეთებდი, ეს ისე მიიღეს, რომ მიამიტები ვიყავით, მწყინს, რომ 85 ათასი ლარი გამოუყვეს და ამას მოჰყვა აჟიოტაჟი. რომლიდანაც მხოლოდ 20% ხვდა ფეხბურთელებს, დანარჩენი გაიქვითა წინამორბედის მიერ აღებულ ვალში. საწყენია ისიც, რომ ამ ბოლოს დინამოსთან თამაშისსთვის თუნდაც დუბლების თამაშის შემთხვევაში თბილისში წასაყვანი თანხაც კი არ იყო გამოყოფილი, ბიჭებს მხოლოდ პირდებოდნენ, რომ ხელფასს გადაუხდიდნენ. მაგრამ მე ისევ გადავიხადე თანხა და გავიდნენ სათამაშოდ.

_ როგორც ვიცით, გოლის გატანის შემთხვევაში ფეხბურთელს ასაჩუქრებდით გარკვეული თანხით?

_ კი, ასე იყო, როდესაც ფოთში ვიყავით მაშინ ვთქვი, რომ ვინც გოლს გაიტანდა დავაწესებდი ბონუსს, ეს შევასრულე და ერთ გოლზე 200 დოლარს ვიხდიდი.

_ როდემდე დააფინანსებთ კლუბს?

_ წლის ბოლომდე ალბათ პრემიალურებით დავაფინანსებ.

_ და რა იქნება ახალი წლის შემდეგ, რა ელის გუნდს?

_ არ ვიცი, ალბათ მოუწევთ ბიუჯეტიდან თანხის გაღება, მე არ ვიცი რა იქნება. მოგეხსენებათ ჩემი ძმა რეანიმაციაში იწვა, ეს იმის გამო, რომ ძალიან მიაქვს გულთან “გურიას” ამბები.

_ რამდენი დახარჯეთ სულ კლუბისთვის?

_ დამერწმუნეთ, ეს არასდროს დამითვლია, მე მინდოდა გუნდს ეარსება და დავეხმარე კიდეც.