ისტორიკოსი რობერტ კონქვესტი,რომელიც ბევრმა აღიარა, როგორც პირველი ადამიანი,რომელმაც გამოავლინა თუ რამდენად საშინელი იყო იოსებ სტალინის რეჟიმი, 98 წლის ასაკში გარდაიცვალა.
BBC-ის ინფორმაციით, წიგნი, რომელიც ისტორიკოსმა სტალინისა და მისი მმართველობის პერიოდის შესახებ დაწერა, კომუნისტური ცხოვრების მხილებაა.
ბრიტანულ მაუწყებელს რობერტ კონქვესტის წიგნის შესახებ ისტორიკოსი სტივენ ევანსი ესაუბრა, რომლის ბებია და ბაბუა, სტალინის რეჟიმის მომხრეები და თანაპარტიელები იყვნენ.
"წიგნმა,რომელიც 1968 წელს გამოიცა ჩეხოსლოვაკიაში საბჭოთა ხელისუფლების შეჭრის საპასუხოდ, შეცვალა საზოგადოების აზროვნება. მასში აღწერილია რეალური ფაქტები შელამაზების გარეშე, რათა საზოგადოებას მსჯელობის და საკუთარი აზრის გამოხატვის საშუალება მისცემოდა. თუმცა საბჭოთა კავშირის მომხრეები ავტორს დასცინოდნენ და დასცინიან დღესაც,თუმცა შეცდომებს ნაწერში ვერ პოულობენ. "_ამბობს ევანსი.
ისტორიკოსის თქმით, წიგნში ასევე აღწერილია ნამდვილი ამბავი, თუ როგორ გასცა სტალინმა 3 167 ადამიანის მოკვლის ბრძანება, ხოლო შემდეგ სრულიად მშვიდად კინოში წავიდა.
"როდესაც საბჭოთა არქივები გაიხსნა, კონქვესტის აღწერილობები ხელუხლებელი დარჩა, რამაც შეიძლება გამოიწვიოს დებატები სტალინის ბრძანებით მოკლულ მილიონობით ადამიანის რაოდენობაზე .კონქვესტი აღწერს 1937 წლის 12 დეკემბერს, სტალინმა როგორ მიუსაჯა სიკვდილით დასჯა 3 167 ადამიანს და იმავე დღეს კინოში წავიდა.მომხდარს მისი ხელქვეითი მოლოტოვი ადასტურებს."-ამბობს ის.
სტივენ ევანსის თქმით, რობერტ კონქვესტის წიგნის გამოსვლამ ხელი შეუწყო სწორი ვერსიის გავრცელებას უკრაინის კრიზისთან დაკავშირებით 1932-33 წლებში.
"ავტორს ასევე დეტალურად აქვს აღწერილი 1932-33 წლებში უკრაინის გაჭირვება და შიმშილობა, რაც სულელურმა სასოფლო-სამეურნეო პოლიტიკამ გამოიწვია. 1933 წელს უელსელი ჟურნალისტი გარეთს ჯონსი უკრაინას ეწვია და მიმდინარე მოვლენებს არაერთი სტატია მიუძღვნა, თუმცა სტალინზე ნიუ იორკ თაიმსის ჟურნალისტის, უოლტერ დურანტის სტატიები, რომელიც სტალინის პროპაგანდას ეწეოდა ,განსაკუთრებით ნეგატიურად აისახა. დურანტიმ აგვისტოს გაზეთის ნომერში დაწერა, რომ ვითარება იყო მძიმე, მაგრამ არ იყო შიმშილი და დასძინა სტალინის ცნობილი ფრაზა:_"თქვენ ვერ შეწვავთ ომლეტს, კვერცხის გატეხვის გარეშე." როდესაც რობერტ კონქვესტის წიგნი გამოიცა, ნათელი გახდა,რომ დურანტი ცრუობდა,ხოლო ჯონსი მართალი იყო."_ამბობს ევანსი..
მექსიკელმა მწერალმა ოქტავიო პაზმა კონქვესტის წიგნს სტალინიზმის შესახებ დებატების დამასრულებელი უწოდა. მონსტრის ნოსტალგია შესაძლოა დღეს რუსეთში ისევ აქვთ, მაგრამ კონქვესტის წიგნმა, ადამიანებს ვისაც ნათელი გონება აქვთ,თვალები აუხილა."_ამბობს ამერიკელი ისტორიკოსი სტივენ ევანსი.
1956 წელს ნიკიტა ხრუშოვმა სტალინის კულტი საბოლოოდ დაგმო.
ის სასულიერო სემინარიაში სწავლობდა, თუმცა სწავლა მიატოვა. ლენინის გარდაცვალების შემდეგ კი გადაწყვიტა, თვითონ გამხდარიყო დიქტატორი.
სტალინის ტერორის გამო 750 000 ადამიანი დაიღუპა.
