შენ, ვერძი, ქვეყანას პირველი მოევლინე და ლიდერის უნარი მოგენიჭა
შენ იქნები პირველი, ვინც იდეას ბადებს და ადამიანთა გონებამდე მიაქვს. მაგრამ ვალდებული არ ხარ, ეს თავად გააკეთო. შენი ცხოვრება მოქმედებაა, შენი მიზანი კი იმის პოვნაა, რაც შენს იდეებს შენზე უკეთ განახორციელებს.
შენ, კუროს, გაქვს ძალა, თესლისგან ხე გაზარდო
შენი სამუშაო შესანიშნავია და მოთმენას საჭიროებს. შენს დანიშნულებას არ უღალატებ, სხვაგვარად თესლს ქარი წაიღებს. შენ არასდროს დანებდები, არ გადაიფიქრებ შუა გზაზე და არ იქნები სხვებზე დამოკიდებული. მე გაძლევ ძალას, გამოიყენე ის გონივრულად.
შენ, ტყუპი, არც ერთ კითხვას უპასუხოდ არ ტოვებ და შეგიძლია ყველას დაანახო, რასაც ადამიანი ხედავს და გრძნობს შინაგანად
შენ ვერასოდეს გაიგებ, როგორ გამოგდის ეს, მაგრამ ცხოვრების აზრის სიღრმეების ძიებისას ჩემსმიერ მონიჭებულ უნარს აღმოაჩენ: ეს ცოდნაა.
შენ, კირჩხიბი, შეძლებ ადამიანებს ასწავლო, თუ რა არის ემოცია
შენ ცრემლად დაიღვრები ან იცინებ და ეს იქნება ადამიანების თანაგრძნობა, მადლიერება და სულიერი სიხარული. ამისათვის შენ მიიღებ ოჯახს, რომელსაც გაამრავლებ.
შენ, ლომმა, უნდა აჩვენო მთელ სამყაროს, თუ რა არის წარმატება
მაგრამ ზედმეტად ნუ დაიკვეხნი, რადგან ეს ჩემი სამუშაოა, შემოქმედი კი უნიკალურია. თუ ამას დაივიწყებ, ადამიანები აგითვალწუნებენ. აი, რისთვისაა საჭირო კეთილშობილება, რითიც მე შენ გაჯილდოებ.
შენ, მკაცრო ქალწულო, წილად გხვდა შეეწყო ყველაფერს, რაც ადამიანმა შექმნა
შენ შენს საქმეს გააკეთებ, მე კი შენი წყალობით სრულყოფილებას მივაღწევ. ამისათვის წმინდა აზროვნებას მიიღებ.
შენ, სასწორო, მისია გაკისრია, რომ ადამიანებს დაეხმარო, სხვების მიმართ ვალდებულებების შესახებ იცოდნენ
ასე მათ ასწავლი მეგობრობის განცდას და შენი ქმედებების შედეგის შეცნობის უნარს შეიძენ. შენი უსასრულო სწრაფვისთვის, რომ სხვებს სიმშვიდე და წესრიგი დაუბრუნო, მე გჩუქნი სიყვარულს.
შენ, მორიელს, ძალიან რთული დავალება გაკისრია
სხვა ადამიანების გონებაში შეღწევის უნარი მოგეცემა, მაგრამ ამის შესახებ საუბარს ვერ შეძლებ.
შენ ხშირად განიცდი სიმწარეს სხვების არასრულყოფილების გამო. ეს ჩემთან დაგაახლოებს და არასოდეს დაივიწყებ იმას, რასაც თქვენი შემხედვარე ვგრძნობ. შენს ინსტინქტებთან ბრძოლა მოგიწევს, სანაცვლოდ კი განსჯის უმაღლეს უნარს მიიღებ.
შენ, მშვილდოსანი, შეძლებ ადამიანების გაცინებას
შენი იუმორი მათ იმედს ჩაუსახავს. ბევრ გამოცდას გაივლი და უსასრულო დადებით ენერგიას მიიღებ, რასაც ყველგან გაავრცელებ, გარშემო სინათლეს მოჰფენ.
თხის რქავ, შენგან მე სისხლი და ოფლი მსურს, რადგან შენ ადამიანებს შრომა უნდა ასწავლო
შენი მისია რთულია, რადგან საკუთარი მხრებით მოგიწევს ადამიანთა მთელი გასაჭირის ტარება. მაგრამ შენი დატვირთვიდან გამომდინარე, მე შენ გაკისრებ ადამიანზე მთელ პასუხისმგებლობას და შენი გარჯისთვის გაჯილდოებ.
შენ, მერწყული, კაცობრიობის წინასწარმეტყველი ხარ, შენი შეხედულება ყველა შესანიშნავ შესაძლებლობას ხსნის
მაგრამ მარტოობის მთელ ტკივილს იგრძნობ, რადგან ეს ხილვა მიწიერი ცხოვრების უფლებას არ მოგცემს. სამაგიეროდ, მიიღებ თავისუფლებისა და შთაგონების უნარს, იქნები კაცობრიობის მსახური, რისთვისაც აღიარებას მოიპოვებ.
შენ, თევზებს, ნიშნებს შორის ყველაზე რთული მისია დაგეკისრა
მე გთხოვ, კაცობრიობის მთელი ტანჯვა საკუთარი მხრებით ატარო. შენი ცრემლები ჩემი ცრემლები უნდა იყოს. ეს ტკივილი ჩემი შეგონების არასწორად აღქმის ნაყოფია, მაგრამ შენ არსებობ იმისათვის, რომ ადამიანს თანაუგრძნო. აი, რატომ გთავაზობ შენ ყველაზე ღირებულ საჩუქარს: შენ იქნები ერთადერთი ადამიანი, რომელიც გამიგებს.
