აღნიშნულ ფაქტზე წუხელ მთელი ღამის განმავლობაში იკითხებოდნენ კუდ-ისა და სოდ-ის მაღალჩინოსნები _ გიორგი ყავლაშვილი და ლევან ქარდავა.
საქმეს საქართველოს მთავარი პროკურატურის ანტიკორუფციულ დეპარტამენტი იძიებს.
შოთა ხიზანიშვილის ბრალეულობა, სავარაუდოდ, ამ პირების დაკითხვის შემდეგ გამოიკვეთა. ის პროკურატურაში დღის მეორე ნახევარში დაიბარეს და უკვე მოდულის შენობაში დროებითი დაკავების იზოლატორშია გადაყვანილი.
საზოგადოებრივი მაუწყებლისათვის მიცემულ ინტერვიუში ქალაქის მერმა გიგი უგულავამ მოადგილის დაკავება პოლიტიკურ შურისძიებად შეაფასა და განაცხადა, რომ მზადაა პირად თავდებში ჩაუდგეს მას.
საკადრო ცვლილებების შემდეგ, შოთა ხიზანიშვილმა შინაგან საქმეთა სამინისტროს ადმინისტრაციის ხელმძღვანელობიდან პრემიერ-მინისტრ ვანო მერაბიშვილის აპარატში გადაინაცვლა, არჩევნების შემდეგ კი უსამსახუროდ დარჩენილი უგულავამ შეიფარა.
მთავარი პროკურატურის მიერ გავრცელებული ინფორმაციით, მოპოვებული მტკიცებულებების საფუძველზე, დღეს 12 მაღალჩინოსანია დაკავებული: საქართველოს შინაგან საქმეთა სამინისტროს კონსტიტუციური უსაფრთხოების დეპარტამენტის დირექტორი ლევან ქარდავა; კონსტიტუციური უსაფრთხოების დეპარტამენტის დირექტორის მოადგილე ვახტანგ ბოჭორიშვილი; კონსტიტუციური უსაფრთხოების დეპარტამენტის პირველი მთავარი სამმართველოს უფროსი გიორგი ყავლაშვილი; კონსტიტუციური უსაფრთხოების დეპარტამენტის მოადგილე ზაალ მაისურაძე; კონსტიტუციური უსაფრთხოების დეპარტამენტის მე-4 სამმართველოს უფროსი ერმალოზ ებანოიძე; კონსტიტუციური უსაფრთხოების დეპარტამენტის მე-4 სამმართველოს უფროსის მოადგილე ვასილ ჯამალაშვილი; კონსტიტუციური უსაფრთხოების დეპარტამენტის მე-4 სამმართველოს უფროსის მოადგილე ავთანდილ სოლომნიშვილი; შსს ოპერატიულ-ტექნიკური დეპარტამენტის უფროსის მოადგილე ბექა კვარაცხელია; კონსტიტუციური უსაფრთხოების დეპარტამენტის მე-3 სამმართველოს უფროსის მოადგილე გიორგი ჯავახაძე; კონსტიტუციური უსაფრთხოების დეპარტამენტის მე-3 სამმართველოს უფროსის მოადგილე ალექსანდრე ბორცვაძე; შინაგან საქმეთა მინისტრის ყოფილი მოადგილე, თბილისის მერის მოადგილე შოთა ხიზანიშვილი; კონსტიტუციური უსაფრთხოების დაცვის დეპარტამენტის დირექტორის მოადგილე ვაჟა ლელუაშვილი.
დაკავების შესახებ დეტალურ ინფორმაციას მთავარი პროკურატურა ხვალ სპეციალურ ბრიფინგზე გაახმაურებს.
