“ჩვენ გადავეცით პროკურატურას ყველა მასალა, უზენაესი სასამართლოს თავმჯდომარე არჩილ კბილაშვილსაც შეხვდა, გადასცა მასალები და მოუყვა ამის შესახებ, დანარჩენი ინფორმაცია არ გვაქვს. ჩემი ინფორმაციით ია ბარამიძე ამ დრომდე არ დაუბარებიათ პროკურატურაში და შესაბამისად არც დაკითხულა”.
“გურია ნიუსი” თბილისის საქალაქო სასამართლოს პრესსამსახურის ხელმძღვანელ ქეთი ბასილაშვილს დაუკავშირდა. მან ია ბარამიძესთან დაკავშირებულ არც ერთ ჩვენს შეკითხვას არ უპასუხა.
“მაგ თემაზე უზენაეს სასამართლოში დარეკეთ, მხოლოდ ბატონი კოტე აკეთებს ამ თემაზე კომენტარს”.
მთავარმა პროკურორმა არჩილ კბილაშვილმა ჟურნალისტებთან დღეს გამართულ შეხვედრაზე განაცხადა, რომ გამოძიების შედეგებზე საუბარი ამ ეტაპზე ნაადრევია.
მისი თქმით, მოსამართლის თანაშემწის გადაბირების მცდელობის ფაქტს მთავარი პროკურატურის საგამოძიებო ნაწილი იძიებს.
კბილაშვილი თქმით, როდესაც განისაზღვრა თუ ვინ გამოიძიებდა ამ საქმეს პირველ რიგში განმცხადებლის ანუ მოსამართლის თანაშემწის დაკითხვა დასახელდა , თუმცა დაკითხულია თუ არა იგი, მთავარმა პროკურორმა არ იცის.
ინფორმაცია მოსამართლის თანაშემწის გადაბირების შესახებ 19 დეკემბერს უზენაესმა სასამართლომ გაავრცელა. თავდაპირველად თანაშემწის ვინაობა არ დასახელდა, თუმცა რამდენიმე დღეში გარკვა რომ “გადაბირებული” ია ბარამიძე იყო. უზენაესი სასამართლოს თავმჯდომარემ შს სამინისტროს სპესსამსახურების მხილებასთან დაკავშირებული მისი ქმედება გმირობად შეაფასა და პროკურატურას მომხდარის გამოძიბისკენ მოუწოდა.
“ჩვენი შეხვედრის მიზანი იყო გამეცნო ადამიანი, რომელმაც დაიცვა სასამართლოს ღირსება და პრესტიჟი, არ შეუშინდა იძულებას და ამის თაობაზე ხმამაღლა განაცხადა. მე მას დიდი მადლობა გადავუხადე და ასევე აღვუთქვი მომავალში მხარდაჭერა, რომ დაცული იქნება მისი უსაფრთხოება. ასევე ველით, რომ ეს საქმე ძალიან დეტალურად იქნება გამოძიებული და დადგენილნი იქნებიან ის პირები, რომლებიც სასამართლოს წინააღმდეგ ახორციელებდნენ მსგავს ქმედებას”.-განაცხადა კუბლაშვილმა 21 დეკემბერს გამართულ ბრიფინგზე.
