_ კი ბატონო, იყო ასეთი შემთხვევა. ხელაძის ოჯახში მოიპარეს სამი სული საქონელი. დილით ადრე ოჯახის წევრებმა ნახეს, რომ საქონელი სადგომში აღარ იყო. ჩემი ინფორმაციით, ქურდები ჯერ არ უპოვიათ, – გვითხრა რწმუნებულმა.
“გურია ნიუსი” დაუკავშირდა შსს ლანჩხუთის რაიონული სამმართველოს უფროსს გოჩა ჟღენტს.
_ბატონო გოჩა, დაკავებულია თუ არა ქურდები, რომლებმაც აკაკი ხელაძის ოჯახში საქონელი მოიპარეს?
_ არა, ჯერჯერობით ნამდვილად არ არიან დაკავებულები, თუმცა ვმუშაობთ მაგ თემასთან დაკავშირებით და მალე გაიხსნება ეგ საქმე.
_ბატონო გოჩა, კიდევ ხომ არ დაფიქსირებულა მსგავსი ფაქტი?
_არა, არა, ღმერთმა დაგვიფაროს, მსგავსი შეტყობინება პოლიციაში არ შემოსულა.
ქურდობის ფაქტი დაფიქსირდა 17 იანვარს ჩოხატაურის მუნიციპალიტეტის სოფელ ხიდისთავშიც, სადაც ქურდებმა რევაზ ლომთათიძის მანქანა გაძარცვეს.
შსს ჩოხატაურის რაიონული სამმართველოს უფროსმა გია დოლიძემ ჩვენთან საუბარი არ ისურვა და გვითხრა, რომ არ იყო ვალდებული, პასუხი გაეცა.
_არ ვარ ვალდებული, გიპასუხოთ – გვითხრა დოლიძემ.
_ უკაცრავად, თქვენ ის გია დოლიძე არ ბრძანდებით, სანამ დაინიშნებოდით გულუხვად რომ გვპირდებოდით, ჟურნალისტებთან ურთიერთობის პრობლემა არ მექნებაო?
_ კი ბატონო, დაგპირდით, ოღონდ ის რაც პირადად მე მეხება.
_ბატონო გია, ჩვენ უბრალოდ გვაინტერესებს ქურდობის ფაქტი გახსნილია თუ არა
_არა, არ არის გახსნილი.
კარგით დიდი მადლობა.
ჩვენი წყაროს ინფორმაციით, რამდენიმე დღის წინ, ქურდობა ქალაქ ოზურგეთშიც დაფიქსირდა. ე.წ. ზვანის უბანში მდებარე ჩაის ფაბრიკის ეზოს ღობე შემოაცალეს და მოიპარეს. როგორც იქ მცხოვრებლებმა “გურია ნიუსს” განუცხადეს, სამართალდამცველებმა ქურდი მალე დააკავეს.
აღნიშნული ინფორმაციისთვის დავუკავშირდით შსს ოზურგეთის რაიონული სამამრთველოს უფროსს ალექსანდრე ჭანუყვაძეს, რომელმაც აღნიშნული ფაქტი დაგვიდასტურა.
