მისი მიზანია სამართალდამცველების პროფესიული უნარების შეფასება და მაღალკვალიფიციური კადრის გამოვლენა. ნაკლებად დამაკმაყოფილებელი შეფასების მქონე პირები შესაბამის გადამზადების კურსებს გაივლიან.
ტესტირებას გაივლიან როგორც მაღალი თანამდებობის პირები – სამმართველოების უფროსები და მათი მოადგილეები, ასევე – უბნის ინსპექტორები, დეტექტივ-გამომძიებლები, დეტექტივ-თანაშემწეები, საპატრულო და სასაზღვრო პოლიციის თანამშრომლები; აგრეთვე მონაწილეობას მიიღებს პოლიციის ყველა ის დანაყოფი, რომელიც ოპერატიულ ფუნქციას ასრულებს.
დღეს, 24 თებერვალს, პოლიციელთა ტესტირება გურიაშიც ტარდება
შსს გურიის სამხარეო მთავარი სამმართველოს უფროსის მოვალეობის შემსრულებელი გოჩა ფერსაშვილი “გურია ნიუსთან” აცხადებს, რომ მსგავსი ტესტირების ჩატარება აუცილებელი იყო.
_მოგეხსენებათ, რომ მთელი საქართველოს მასშტაბით ტარდება პოლიციელთა ტესტირება. დღეს მსგავსი ტესტირება გურიის სამივე რაიონში ტარდება, სადაც მონაწილეობას იღებს 154 პოლიციის თანამშრომელი, ტესტირების ვადა არის ორ საათნახევარი, ამ ორსაათნახევარში მათ 100 კითხვას უნდა გასცენ პასუხი, მონაწილეობას იღებს, როგორც უბნის რწმუნებულები, ინსპექტორები, უბნის გამომძიებლები, დეტექტივის თანაშემწეები, ასევე ხელმძღვანელი პირებიც.
_ბატონო გოჩა, თქვენი აზრით ექნება თუ არა გურიას მაღალი მაღალი მაჩვენებელი?
_მე იმედი მაქვს, რომ გურიაში მაღალი მაჩვენებლით დამთავრდება ტესტირება. ეს არის მათი კვალიფიცირების შემოწმება და შემდგომში, ვინც ვერ მიიღებს იმას, რა შედეგიც უნდა დადოს, დამატებით კურსებს გაივლის და კვალიფიკაციას აიმაღლებენ. ჩემი აზრით, მსგავსი ტესტირების ჩატარება აუცილებელი იყო, – გვითხრა ფერსაშვილმა.
