“სამეგრელოსა და ზემო-სვანეთის პრობაციის ბიუროს დახმარებით, ზუგდიდში, პირობით მსჯავრდებულები საგანმანათლებლო პროგრამაში ჩაერთნენ. ინდივიდუალური შეფასებისა და საჭიროებების გათვალისწინებით შერჩეული პრობაციონერები მუხრან მ. და ვეფხია ო., არასამთავრობო ორგანიზაცია – „ზუგდიდის თემის განვითარების ცენტრის“ („CDC“) ბაზაზე, საოფისე კომპიუტერულ პროგრამებს შეისწავლიან. სამთვიანი კურსის გავლის შემდეგ, ისინი შესაბამის სერტიფიკატს მიიღებენ.
პრობაციის ბიუროსა და არასამთავრობო ორგანიზაციის წარმომადგენლები შეთანხმდნენ, რომ პრობაციონერთა კონტინგენტზე მომდევნო ჯგუფების დაკომპლექტების დროსაც იზრუნებენ და სასწავლო პროგრამებში მათ მომავალშიც ჩართავენ.
პრობაციის ეროვნული სააგენტო, მსჯავრდებულთა კონტროლთან ერთად, სოციალურ რეაბილიტაციაში მათთვის დახმარების გაწევის ფუნქციასაც ასრულებს.”
