საქართველოს ეროვნული ბანკის ინფორმაციით, აქედან, 4.2 მლრდ აშშ დოლარი (7.0 მლრდ ლარი) იყო სამთავრობო სექტორის ვალი (31.8%), 582.3 მლნ აშშ დოლარი (964.8 მლნ ლარი; 4.4%) – ეროვნული ბანკის, 2.5 მლრდ აშშ დოლარი (4.1 მლრდ ლარი; 18.5%) – საბანკო სექტორის, 3.2 მლრდ აშშ დოლარი (5.3 მლრდ ლარი; 24.1%) – სხვა სექტორებისა და 2.8 მლრდ აშშ დოლარი (4.7 მლრდ ლარი; 21.3%) – კომპანიათაშორისი ვალი. მთლიანი საგარეო ვალის 94.3 პროცენტი დენომინირებულია უცხოური ვალუტით.
2012 წლის მეოთხე კვარტალში, წინა კვარტალთან შედარებით საქართველოს მთლიანი საგარეო ვალი 58.1 მლნ აშშ დოლარით (96.5 მლნ ლარით) გაიზარდა, აქედან ოპერაციული ცვლილების გამო ვალი გაიზარდა 17.3 მლნ აშშ დოლარით (28.7 მლნ ლარი), ფასის ცვლილების შედეგად – 10.2 მლნ აშშ დოლარით (17.0 მლნ ლარი), საკურსო ცვლილებების შედეგად – 9.3 მლნ აშშ დოლარით (15.5 მლნ ლარი), ხოლო სხვა ცვლილებების გამო 21.3 მლნ აშშ დოლარით (35.3 მლნ ლარი).
სამთავრობო სექტორის უცხოური ვალდებულებები საანგარიშო პერიოდში 76.6 მლნ აშშ დოლარით (127.1 მლნ ლარით) გაიზარდა. აქედან ოპერაციული ცვლილებების შედეგად ზრდამ 76.6 მლნ აშშ დოლარი (127.3 მლნ ლარი) შეადგინა და ფასის ცვლილების გამო 5.5 მლნ აშშ დოლარი (9.1 მლნ ლარი), ხოლო საკურსო ცვლილების შედეგად სამთავრობო სექტორის ვალი 5.6 მლნ აშშ დოლარით შემცირდა (9.3 მლნ ლარი).
საანგარიშო პერიოდში საქართველოს ეროვნული ბანკის საგარეო ვალი 70.2 მლნ აშშ დოლარით (116.6 მლნ ლარით) შემცირდა. აქედან, ოპერაციული ცვლილების შედეგად ეროვნული ბანკის ვალდებულებების შემცირებამ 68.0 მლნ აშშ დოლარი (113.0 მლნ ლარით) შეადგინა და საკურსო ცვლილების შედეგად – 2.2 მლნ აშშ დოლარი (3.6 მლნ ლარი).
საბანკო სექტორის უცხოური ვალდებულებები 10.1 მლნ აშშ დოლარით (16.8 მლნ ლარით) გაიზარდა, რაც გამოწვეულია ოპერაციული ცვლილებების შედეგად 6.1 მლნ აშშ დოლარიანი (10.2 მლნ ლარით) და საკურსო ცვლილებების შედეგად 4.9 მლნ აშშ დოლარით (8.2 მლნ ლარით) ზრდით, აგრეთვე ფასის ცვლილებების გამო ბანკების ვალდებულებების 0.9 მლნ აშშ დოლარით (1.5 მლნ ლარი) შემცირებით. აღსანიშნავია, რომ 2012 წლის მეოთხე კვარტალში ადგილი ჰქონდა საბანკო სექტორის მოკლევადიანი ვალდებულებების 76.8 მლნ აშშ დოლარით (127.6 მლნ ლარი) შემცირებას და გრძელვადიანი ვალდებულებების 87.0 მლნ აშშ დოლარით (144.4 მლნ ლარი) ზრდას.
სხვა სექტორების საგარეო ვალდებულებები 93.5 მლნ აშშ დოლარით (155.2 მლნ ლარით) გაიზარდა, აქედან 79.1 მლნ აშშ დოლარი (131.3 მლნ ლარი) არასაფინანსო კორპორაციების საგარეო ვალდებულებებზე მოდის. სხვა სექტორების საგარეო ვალი ოპერაციული ცვლილების შედეგად – 27.2 მლნ აშშ დოლარით (45.2 მლნ ლარით), საკურსო ცვლილებების შედეგად – 8.3 მლნ აშშ დოლარით (13.8 მლნ ლარით) და ფასის ცვლილებების შედეგად – 5.7 მლნ აშშ დოლარით (9.4 მლნ ლარით) გაიზარდა. ხოლო სხვა ცვლილებების შედეგად სხვა სექტორების საგარეო ვალი 52.3 მლნ აშშ დოლარით (86.8 მლნ ლარით) გაიზარდა, რაც ძირითადად გამოწვეულია კლასიფიკაციური ცვლილებებით. კერძოდ, პირდაპირი ინვესტორის ცვლილების გამო მოხდა კომპანიათშორისო სესხების სხვა სექტორების სესხებად რეკლასიფიკაცია.
საანგარიშო პერიოდში, უცხოური კომპანიათაშორისი სესხები 51.8 მლნ აშშ დოლარით (86.0 მლნ ლარით) შემცირდა, ხოლო ოპერაციული ცვლილებების შედეგად – 24.6 მლნ აშშ დოლარით (40.9 მლნ ლარით). სხვა ცვლილებების შედეგად, რაც გამოიხატებოდა პირდაპირი ინვესტიციების სესხებში რეკლასიფიკაციით, მოხდა 31.0 მლნ აშშ დოლარით შემცირება (51.5 მლნ ლარით), ხოლო საკურსო ცვლილებების შედეგად კომპანიათაშორისი სესხები 3.9 მლნ აშშ დოლარით (6.4 მლნ ლარით) გაიზარდა.
საანგარიშო პერიოდის განმავლობაში უცხოური ვალუტით დენომინირებული საგარეო ვალდებულებების მოცულობა 85.2 მლნ აშშ დოლარით (141.4 მლნ ლარი) გაიზარდა და 12.6 მლრდ აშშ დოლარი (20.9 მლრდ ლარი) შეადგინა. ხოლო ეროვნული ვალუტით დენომინირებული ვალის მოცულობა 27.1 მლნ აშშ დოლარით (44.9 მლნ ლარი) შემცირდა და 761.6 მლნ აშშ დოლარი (1.3 მლრდ ლარი) შეადგინა.
