საპარლამენტო უმრავლესობის წევრის, ელისო ჩაფიძის ბრალდებებს განათლების მინისტრის მრჩეველი ოთარ აბესაძე ჩაფიძესთან პირადი მიმოწერის გასაჯაროებით გამოეხმაურა:
_ ჩემი და ქალბატონი ელისო ჩაფიძის პირადი მიმოწერა. ძალიან არ მომწონს პირადი საუბრის გასაჯაროება, მაგრამ რახან მან ჩათვალა და ეს გაასაჯაროვა, მეც ვაქვეყნებ სრულ მიმოწერას (მიმოწერა იხილეთ სტატიის ბოლოს). ტყიბულელებმა და საზოგადოებამ შეაფასოს ეს არის მუქარა, თუ ეს არის ქალაქის გულშემატკივრობა, ქართული ოცნების ინტერესების დაცვა და სამთავრობო კურსის მხარდაჭერა. სხვა დანარჩენ ბრალდებებზე აუცილებლად გავაკეთებ კომენტარს დღეს, _ დაწერა ფეისბუქზე აბესაძემ და ამ გზავნილიდან მალევე ვრცელი პოსტიც გამოაქვეყნა:
_მოგეხსენებათ, ვარ ტყიბულელი, სახლი მაქვს ტყიბულში, მყავს მოხუცი ბებო, რომელიც იქ ცხოვრობს და მყავს ძალიან ბევრი ნათესავი და მეგობარი ჩემს ქალაქში. ამ ფაქტორებიდან გამომდინარე ხშირად მიწევს ტყიბულში ჩასვლა.
რამდენიმე თვის წინ მე და ჩემმა მეგობრებმა ჩამოვაყალიბეთ ფეისბუქზე ჯგუფი "ტყიბული – სიცოცხლის ქალაქი", რომელშიც თავიდან მხოლოდ 50 მდე ვიყავით ტყიბულიდან წამოსული სტუდენტები, რომლებიც სწავლობენ თბილისში და დღეს უკვე ეს ჯგუფი 1300 ზე მეტ ტყიბულელს აერთიანებს. ამ ჯგუფში განვიხილავთ ტყიბულის ირგვლივ მიმდინარე მოვლენებს და შემდეგ თითოეული ჩვენგანი ვცდილობთ ჩვენი შესაძლებლობებიდან გამომდინარე დავეხმაროთ ქალაქს.
პირველი აქცია რაც ჩავატარეთ ეს იყო საქველმოქმედო. ფეისბუქის მეშვეობით თითო-თითო ლარი ავაგროვეთ და ახალ წელს ფული და სურსათით დავეხმარეთ 4 მრავალშვილიან ოჯახს.
შემდეგ ამავე ჯგუფში გაჩნდა ინიციატივა, რომ შექმნილიყო არასამთავრობო ორგანიზაცია და შეიქმნა კიდეც "რეგიონალური განვითარება – სიცოცხლის თაობა", რომელიც იწვევს ტრენერებს ტრეინინგისათვის და სულ ახლახანს დაიწყეს ლიტერატურული კონკურსი "სიცოცხლის ქალაქი"
ასევე გაჩნდა ინიციატივა, რომ ტყიბულში შექმნილიყო საინფორმაციო სააგენტო და ესეც გავაკეთეთ www.okribainfo.ge.
გარდა ამისა განათლების სამინისტრო ტყიბულის მუნიციპალიტეტის 2 სოფელში მუხურასა და ჯვარისაში აშენებს ახალ სკოლებს რის გამოც რეაბილიტაციის და მშენებლობის მონიტორინგისათვის ხშირად ჩავდიოდი აღნიშნულ სოფლებში.
ასევე, ვხვდებოდი ადგილობრივ მოსახლეობას სოფლებში და ვლაპარაკობდით ყველა მიმდინარე პროცესებზე რაც ქვეყანაში მიმდინარეობს. ვინაიდან ქონდათ ინფორმაცია, რომ გარდა სამინისტროსი, აქტიურად ვიყავი ჩართული ქართული ოცნების საქმიანობაში აქტიურად ჩართული და ვიყავი ახალგაზრდულის თავმჯდომარე.
სწორედ ამიტომ, ჩვენი პარტიის წევრები მიყვებოდნენ შიდა მიმდინარე პროცესებზე და სხვადასხვა აქტივობებზე რომლებიც აზიანებს ქართულ ოცნებას ტყიბულში.
მე რათქმაუნდა ამის შესახებ ვაყენებდი საქმის კურსში ქალბატონ ელისო ჩაფიძეს რომ მის მიერ რეკომენდირებული კადრი თამაზ კუბლაშვილი, რომელიც დღეს ტყიბულის საკრებულოს თავმჯდომარეა და როგორც აღნიშნავდნენ ქონდა გარკვეული პოლიტიკური გადაცდომები.
დღეს დილას მირეკავენ ჟურნალისტები, რომ თითქოს მე ესემესებით ვემუქრებოდი ელისო ჩაფიძეს და ამაზე კომენტარს მთხოვდნენ და როდესაც ქალბატონი ელისო აპირებდა ამ მუქარის მესიჯების გასაჯაროვებას. დაველოდე მოვლენებს და როდესაც მან პირდაპირ ეთერში წაიკითხა ჩემს მიერ გაგზავნილი ესემესები და დამაბრალა სრულიად უსაფუძვლოდ მუქარა, მეც გავასაჯაროვე ჩემი და მისი მიმოწერა თავიდან ბოლომდე. მიუხედავად იმისა, რომ ჩემთვის მსგავსი ფაქტი არის ძალიან მიუღებელი, იძულებული გავხდი ასე მოვქცეულიყავი, ვინაიდან დანაშაულია, როდესაც ემუქრები პარლამენტის დეპუტატს და მე ჩემი უდანაშაულობა საზოგადოების წინაშე უნდა დამემტკიცებინა.
და ბოლოს, ჩემი ნებისმიერი საქციელი ან სიტყვა, რომელსაც ვამბობ ან ვესაუბრები მოსახლეობას არის თავიდან ბოლომდე სახელმწიფო ინტერესის გამტარებელი და ეს იქნება ტყიბული, ეს იქნება ზუგდიდი თუ ეს იქნება თელავი ყველგან ვთვლი თავს ვალდებულად, რომ მოვისმინო ადგილობრივი მოსახლეობის პრობლემები და შესაბამის პასუხისმგებელ პირებს მივაწოდო ინფორმაცია რომ აღმოიფხვრას პრობლემა.
სწორედ ამას ვცდილობდი ტყიბულის შემთხვევაში რომ ვაცნობდი ელისო ჩაფიძეს იმ პოლიტიკური გადაცდომის შესახებ რომელიც ქონდა ტყიბულის საკრებულოს თავმჯდომარეს, _ წერს აბესაძე.
შეგახსენებთ, რომ ელისო ჩაფიძის განცხადებით, ოთარ აბესაძე მუდმივად ტყიბულშია, მართავს შეხვედრებს და ტყიბულებებს ცრუ ინფორმაციას აწვდის. ჩაფიძის მტკიცებით აბესაძე ტყიბულელელბს დუშეთის მაჟორიტარმა ირაკლი ტრიპოლსკიმ წარუდგინა:
_ მე დღემდე მაინტერესებს განათლების მინისტრის მრჩეველ ოთარ აბესაძეს სხვა საქმე არაფერი აქვს, რომ ტყიბულში იმყოფებოდეს და პროვოკაციებს აწყობდეს?! საკმაოდ ბევრს ატყუებს ტყიბულელებს, აწოდებს ცრუ ინფორმაციას მთავრობის მიერ გაწეულ სამუშაოებთან დაკავშირებით. მე ხალხის არჩეული ვარ და უნდა მომეცეს ჩემი უფლბამოსილების განხორციელების საშუალება.
მაქვს ინფორმაცია, რომ მათი მხრიდნ პროვოკაციებია დაგეგმილი ჩემს წინააღმდეგ და ასევე ადგილობრივი საკრებულოს წინააღმდეგაც აქვთ დაგეგმილი პროვოკაციები. ეს ძალა დამშვიდებულ რაიონში ცდილობს წყალი აურიოს, მღვრიე წყალში თევზებს ვინ იჭრეს ეს ძალიან კარგად ვიცით. შესაძლოა გადაგა ნაბიჯი და მოსალოდნელ პროვოკაციაზე წინასწარ ისაუბრო, _ აცხადებს "რეზონანსთან" საუბრისას ელისო ჩაფიძე და დასძენს, რომ აბესაძე, რომელიც 2012 წელს აქციაზეც კი არ უნახავს, ტრიპოლსკის მამას ეძახის.
