ქუთაისში, სასტუმრო "ბაგრატში", ENPARD საქართველომ და მისმა პარტნიორებმა ჩაის სექტორის პირველი რეგიონალური ფორუმი გამართეს. ფორუმის დროს აქცენტები გაკეთდება ჩაის წარმოების სფეროში არსებულ გამოწვევებსა და განვითარების პერსპექტივებზე.
ეს ფორუმი არის ISET-ის კვლევითი ინსტიტუტის მიერ ორგანიზებული პირველი ღონისძიება სოფლის მეურნეობისა და სოფლის განვითარების დიალოგების სერიიდან, რომელიც იმართება CARE International-თან, რეგიონული განვითარების ასოციაციასა და საქართველოს ფერმერთა ასოციაციასთან თანამშრომლობით.
საქართველოში ევროკავშირის წარმომადგენლობის სოფლის მეურნეობის ატაშე ხუან ეჩანოვეს თქმით, ძალიან მნიშვნელოვანი არის ჩაის აღორძინება დაიწყოს საქართველოში.
"ევროკავშირის დელეგაცია არის მოხარული იმით, რომ მხარს უჭერს დღევანდელ შეხვედრას. ისტორიულად ცნობილია, ჩაი იყო საქართველოსთვის ძირითადი ბირთვი სოფლის მეურნეობის, მაგრამ ბოლო პერიოდში ეს სფერო იყო მიტოვებული და უგულველყოფილი. მოხარულები ვართ, კიდევ ერთხელ გვეძლევა შანსი ეს სფერო ავაღორძინოთ და ავამუშავოთ”, _ განაცხადა მედიის წარმომადგენლებთან ხუან-ხოსე ეჩანოვემ.
"ჩვენ თუ გამოვიყენებთ ქართულ სიტყვას იმედს, არის პერსპრექტივა იმისათვის, რომ არსებული ჩაის პლანტაციები რაც არის მოვუაროთ ამას და დავიწყოთ მათი რეაბილიტაცია. ამავე დროს, მე ვფიქრობ, წარმატებულია განაცხადი სოფლის მეურნეობის სამინისტროს, რომ ანასეულში უახლოეს ხანში უნდა შეიქმნას სადემონსტრაციო ნაკვეთები”, _ გვითხრა ოზურგეთელმა, ემენი ქავჟარაძემ.
ჩაის სექტორის რეგიონალურ ფორუმს დაესწრო სოფლის მეურნეობის მინისტრის მოადგილე გოჩა ცოფურაშვილი, საქართველოში ევროკავშირის წარმომადგენლობის სოფლის მეურნეობის ატაშე ხუან ეჩანოვე, სასოფლო-სამეურნეო კოოპერატივების განვითარების სააგენტოს, საქართველოს ფერმერთა ასოციაციის და ჩაის მწარმოებელთა ასოციაციის წარმომადგენლები.
