“რუსთავი 2 -ის” წილებთან დაკავშირებული თემები იქცა ერთ დიდ ეპოპეად”

დავით უსუფაშვილმა საზოგადოებრივი მაუწყებლის ეთერში "რუსთავი 2"-ის გარშემო განვითარებულ მოვლენებთან დაკავშირებით, ჟურნალისტის მიერ დასმულ შეკითხვასაც უპასუხა.

  "სამწუხაროდ, მოხდა ისე, რომ "რუსთავი 2"-ის მფლობელობასთან და წილებთან დაკავშირებული თემები იქცა ერთ დიდ ეპოპეად და ჩემი დაკვირვებით, რამდენჯერმე მოხდა რაღაც საკვანძო მოვლენები, რომლებსაც შესაძლოა, არ ჰქონდა ბევრი რამ საერთო ცივილიზებულ ვითარებასთან, კანონთან და ა.შ. სამწუხაროდ, საქართველოს თანამედროვე ისტორიაში ერთ-ერთი ყველზე აქტიური მედიასაშუალება არის ამ პრობლემების მუდმივ ჯაჭვში და ეს არ წყდება. მე ვისურვებდი, რომ რაც შეიძლება სწრაფად გაირკვეს ყველაფერი მოდავე მხარეებს შორის", – განაცხადა დავით უსუფაშვილმა.

მან იმედი გამოთქვა, რომ სასამართლო და მოსამართლეები კანონიერ გადაწყევტილებებს მიიღებენ და ყველა ღონეს იხმარენ, რათა არ შეფერხდეს მედიასაშუალების ფუნქციონირება ყოფილ და დღევანდელ მესაკუთრეებს შორის დავის პროცესში.

"ვისურვებდი, რომ რაც შეიძლება სწრაფად გაირკვეს ყველაფერი მოდავე მხარეებს შორის. ვისურვებდი და მინდა გამოვთქვა რწმენა, რომ სასამართლო დაწესებულებები, მოსამართლეები მიიღებენ მხოლოდ კანონიერ გადაწყვეტილებებს. ამასობაში ყველა ღონეს იხმარენ იმისთვის, რომ არ შეფერხდეს მედიასაშუალების ფუნქციონირება იმ დროს და იმ პროცესში, როდესაც არის დავა მეწილეებს შორის და ყოფილ და დღევანდელ მესაკუთრეებს შორის, კიდევ, არ ვიცი, სხვა ვინ მესაკუთრეები შეიძლება გამოჩნდნენ ამ საქმეში"-დასძინა პარლლამენტოის თავმჯდომარემ.. მისივე თქმით, ისურვებდა, რომ ეს პროცესი წარიმართოს ნაკლები პოლიტიკური აჟიოტაჟით, თუმცა ეს ცოტა რთულია თავად "რუსთავი 2"-ის არსიდან გამომდინარე.

"გადაწყვეტილებები პირველ რიგში კანონთან უნდა იყოს შესაბამისობაში, თორემ ძალიან ადვილია საუბარი, როდესაც საქმე გავქვს პოლიტიკურად საკმაოდ მიკერძოებულ ორგანიზაციასთან. უნდა ვიცოდეთ, რომ კანონი არ უკრძალავს მედიასაშუალებას იყოს პოლიტიკურად მიკერძოებული. ეს მოსახლეობის გადასაწყვეტია – რას უყურებს და რას – არა. ამ ნიშნიდან გამომდინარე, რომ ესა თუ ის ტელევიზია არის პოლიტიზირებული, დაუშვებელია და ამას გამოვრიცხავ, რომ ეს მოხდეს ჩვენს შემთხვევაში და მედიასაშუალების წინააღმდეგ რაიმე რეპრესიული ღონისძიებები იქნეს გამოყენებული. ჩვენ ეს ვნახეთ ტელეიმედთან დაკავშირებით და ვიცით რასთანაა დაკავშირებული. მე ვისურვებდი, რომ ეს საკითხი წარმიმართოს ძალიან გამჭვირვალედ. არ აყვეს არც ხელისუფლება და არც საჯარო დაწესებულების წარმომადგენლები იმ ბრალდებებს, რაც წამოვიდა", – განაცხადა დავით უსუფაშვილმა. პარლამენტის თავმჯდომარის თქმით, პრიორიტეტია, რომ მედიასაშუალებას არ შეეშალოს ხელი ფუნქციონირებაში.