“ვრჩები ოპოზიციურ ფლანგზე” _ უსუფაშვილმა საგანგებო ბრიფინგი გამართა

 დავით უსუფაშვილმა "რესპუბლიკური პარტიის" დატოვების შესახებ რამდენიმე წთის წინ ოფიციალურად განაცხადა.

მისივე თქმით ის არ აპირებს ხელისუფლებაში დარჩენას:

_ მე ვრჩები ოპოზიციაში, თუმცა კონკრეტულ დეტალებზე, მას შემდეგ ვისაუბრებ რაც ორ-სამ ადამიანს შევხდები, _ აღნიშნა უსუფაშვილმა, რომელმაც განსაკუთრებული  მადლობა დავით ბერძენიშვილს გადაუხადა მისი პოლიტიკოსად ქცევის გამო.

უსუფაშვილი  "რესპუბლიკური პარტიის" თავმჯდომარე იყო 2005-2013 წლებში.  იყო საქართველოს პრეზიდენტის ანტიკორუფციული სამუშაო ჯგუფის აღმასრულებელი მდივანი (2000-2001.)

ხელმძღვანელობდა საქართველოს ახალგაზრდა იურისტთა ასოციაციას (1994–1997); იყო საქართველოს პრეზიდენტის იურიდიული მრჩეველი და მისი წარმომადგენელი პარლამენტში (1992-1994). იყო საქართველოს ცენტრალური საარჩევნო კომისიის წევრი და იურიდიული კონსულტანტი (1990-1994).

დავით უსუფაშვილი საქართველოს პარლამენტის თავმჯდომარეა 2012 წლის ოქტომბრიდან.