ოზურგეთელი მძლეოსანი სოფო შათირიშვილი აზერბაიჯანის ღია ეროვნული ჩემპიონატის ოქროს მედლის მფლობელი გახდა.
ახალგაზრდა მძლეოსანთა გუნდების შეხვედრა წელს ბაქოში გაიმართა. შეჯიბრში საქართველოს მძლეოსანთა ახალგაზრდული ნაკრები გუნდიც ასპარეზობდა. მათ შორის იყო ოზურგეთელი სოფო შათირიშვილი (მწვრთნელები: კოტრიკაძე, მინდაძე). პირველობისთვის ბრძოლაში მან ბირთვის კვრაში საუკეთესო შედეგი აჩვენა და ჩემპიონის ტიტული და ოქროს მედალიც მოიპოვა.
,,სოფოს მიღწევები მისი დაუღალავი შრომის შედეგია. ვულოცავ და სპორტულ ასპარეზზე შემდგომ წარმატებებს ვუსურვებ.
სოფო შათირიშვილი ახალგაზრდა მძლეოსნების ევროპის ჩემპიონატის საგზურის მფლობელია და ის 7 ივნისს ლიტხენშტაინში იბრძოლებს გამარჯვებისთვის“ _ განაცხადა მისმა მწვრთნელმა, მარინე კონტრიძემ.
