“მე ვთხოვე საქართველოს დახმარება და არა რომელიმე კონკრეტულ პარტიას” _ წერს სოციალურ ქსელში ხორავას ქუჩაზე მოკლული არასრულწლოვნის, დავით სარალიძის მამა ზაზა სარალიძე და დარიგებისთვის მადლობას იხდის.
“დიდი მადლობა დარიგებისათვის.
მე ვიცი განწირული ვარ და შეგუებული ვარ ამ აზრს რაზედაც თქვენ მაფრთხილებთ.
ეხლა რაც შეეხება პარტიებს _ მე ვთხოვე საქართველოს დახმარება და არა რომელიმე კონკრეტულ პარტიას.
ძალიან მოხარული ვიქნები თუ მმართველი გუნდიდან გამოვა და დამიდგება გვერდით აქციაზე და ჩემთან,მალხაზ ნაჩალიკაშვილთან და ყველა შვილმოკლულ მშობელთან ერთად იბრძოლებენ სამართლიანობის აღსადგენად.
და ბოლოს თუ ვინმე ცდილობს ჩემი შვილის საქმე სათავისოდ გამოიყენოს რატო აძლევთ თქვენ ქართველები მაგის უფლებას? _ ექვსი თვე დაჩოქილი ვიხვეწებოდი სამართლის აღგდგენას.
სად იყო მმართველი გუნდი, როდესაც სახეში მაფურთხებდა პრიკურატურა. სად იყო გახარია, როდესაც ვეხვეწე შემხვდითქო და ფეხებზე დამიკიდა.
სად იყავით თქვენ, პირადად, ეხლა რო ჭკუას მარიგებთ?
მე ყველა პარტია მ………..ა _ მმართველიც და ყოფილიც.
და როდესაც მიხვდებით რას ნიშნავს, შვილს როცა სადისტურად გიკლავენ და მერე მის სულში აფურთხებენ, მაშინ ვისაუბროთ დანარჩენზე, _ წერს სარალიძე.
