თუ ვინმეზე ნაწყენი ხართ და სამაგიეროს გადახდა გსურთ, ზუსტად უნდა იცოდეთ, რა იმალება მის შინაგან სამყაროში და რას მოგიტანთ მასთან დაპირისპირება.
ვერძი
ხშირად გაურბის კონფლიქტურ სიტუაციებს. არ არის ბოროტი, მაგრამ მისი გაბრაზება საშიშია. გაფრთხილებთ, მას თქვენს ნეგატიურ დამოკიდებულებაზე სწრაფი და დაუნდობელი რეაქცია ექნება. ის გულს გატკენთ, პირში მოგახლით ყველაფერს და შემდეგ გაგეცლებათ. თუმცა, გულში წყენას დიდხანს არ ატარებს და არც შურისძიებას დაიწყებს.
კურო
მოქმედება გააზრებულად და აუჩქარებლად უყვარს, იძლევა პრაქტიკულ რჩევებს და არ არის მლიქვნელი. ამ ზოდიაქოს ნიშნის ქვეშ დაბადებული ადამიანის წყობიდან გამოყვანა არც ისე ადვილია, მაგრამ თუ ერთხელ აიცრუა თქვენზე გული, ჩათვალეთ, რომ მისთვის აღარ არსებობთ და მეორე შანსი არ მოგეცემათ.
ტყუპები
არამყარი ბუნებით გამოირჩევიან და არც გრძნობებს მალავენ. მათთვის სიამოვნების მინიჭება ძალიან ადვილია, თუმცა შურისძიებაში ნამდვილად ვერ შეედრებით – შეუძლიათ, არა მარტო ჩხუბით, არამედ ინტრიგებითა და ჭორებით გაგითხარონ სამარე. ასე რომ, თუ თქვენს რეპუტაციას უფრთხილდებით, მათთან კონფლიქტს ნამდვილად არ გირჩევთ.
ლომი
ახასიათებს ხასიათის მოულოდნელი ცვალებადობა. პირად ურთიერთობებში საოცრად ერთგული და მგრძნობიარეა, ამიტომ მისი განაწყენება არ ღირს. თუ ზღვარს გადახვალთ, მათზე საშიში მტერი არ გეყოლებათ. ამიტომ, ნუ იქნებით მასთან მკაცრი, მომთხოვნი და ეცადეთ, სწორად შეაფასოთ მისი მოქმედებები. განსაკუთრებით მოერიდეთ მისი თავმოყვარეობის შელახვას, რადგან ამას ის ცხოვრების ბოლომდე არ გაპატიებთ.
ქალწული
მისი გაბრაზება ძალიან ადვილია და არც შურისძიებაზე იხევს უკან. ყველა ძალას იხმარს, რათა სამაგიერო გადაგიხადოთ. მასთან არც მობოდიშება ჭრის და ვერც საჩუქრებით შემოირიგებთ. უბრალოდ, უნდა გახსოვდეთ, რომ მისი გაბრაზება ძვირად დაგიჯდებათ და ამის შემდეგ მას გულს ვეღარ მოულბობთ.
სასწორი
ხშირად იბუტება და წყენას ადვილად ვერ ივიწყებს, მაგრამ მისი გულის მონადირება და შემორიგებაც ძალიან ადვილია. სასწორებს არ უყვართ სამაგიეროს გადახდა და არც შურს იძიებენ ვინმეზე. ურჩევნიათ, დიპლომატიური მეთოდებით გაარკვიონ ურთიერთობები და ამით ადვილად აიცილონ თავიდან სკანდალები და გაუგებრობები.
მორიელი
სხვების მიმართ ყურადღებიანები იმავეს მოითხოვენ ყველასგან. შესაძლებელია, ისეთ რამეზე დასწყდეთ გული, რასაც თქვენ ყურადღებასაც კი არ მიაქცევდით. თუ გაბრაზდა, უნდა მოერიდოთ, რადგან „მორიელის“ ნაკბენს დიდხანს ვერ მოიშუშებთ.
მშვილდოსანი
თუ არ გსურთ, გაანაწყენოთ, ნუ შეუზღუდავთ თავისუფლებას. მშვილდოსანი შურისძიების მოყვარული ნატურაა. მისთვის მთავარია, მიყენებულ წყენაზე სასწრაფო და ადეკვატური პასუხი გაგცეთ და არ აქვს მნიშვნელობა, სად და როდის გამოხატავს ამას. ამიტომ ამ ნიშნის ქვეშ დაბადებულ ადამიანთან დელიკატური მიდგომა გმართებთ.
თხის რქა
ადვილად ვერ გამოიყვანთ წყობიდან, მაგრამ, თუ ეს მოახერხეთ, დანდობას ნუღარ ელით – ისე გაგანადგურებენ, ვერც წარმოიდგენთ. უყვართ სიტუაციის კონტროლი და შურისძიებისთვის აუცილებლად სხვებს დაიხმარენ. შესაძლოა, თქვენ აღარც კი გახსოვდეთ, რა აწყენინეთ, ის კი ამ წყენას ცხოვრების ბოლომდე არ დაგივიწყებთ.
მერწყული
მათი ჭორის სამიზნე თუ გახდით, ჩათვალეთ, რომ თქვენი რეპუტაცია ისე შეილახა, დიდხანს ვეღარ აღადგენთ. მათთვის შურისძიება გართობაა და არა ბოროტების ჩადენის ტოლფასი ქმედება. შეუძლიათ, ერთი ხელის მოსმით დაივიწყონ თქვენთან ურთიერთობაში გატარებული ბედნიერი წუთები, დაგცინონ, დაგამცირონ და ამით თავად მიიღონ სიამოვნება. ამიტომ, ეცადეთ, წყობიდან არ გამოიყვანოთ და მათი სამიზნე არ გახდეთ.
თევზები
ერთი შეხედვით მგრძნობიარე, მეგობრული და ნაზი ბუნების მქონე თევზები, სინამდვილეში ძალიან საშიშები ხდებიან, თუ მათ დაუპირისპირდებით. თუ მათ გაბრაზებას გადაწყვეტთ, მათგან უკან დახევას ნუ ელით. გულისტკენის დროს ცდილობენ, ყველა კავშირი და ძალა გამოიყენონ თქვენს გასანადგურებლად. წყენას გულში იტოვებენ და არ არის გამორიცხული, ისეთ დროს „დაგესხან” თავს, როცა არ ელით.
