სამედიცინო ცენტრ „ურანტის“ ხელმძღვანელი, ნარკოლოგი ზურაბ სიხარულიძე სოციალურ ქსელის საშუალებით საზოგადოებას ახალი ნარკოტიკული ნივთიერების შესახებ აცნობებს და შესაბამის რეკომენდაციას ავრცელებს.
“მინდა ყველა გავაფრთხილო, ახალგაზრდები, ვინც ამ ბოლო დღეებში საიტებიდან გამოიწერეთ ნივთირებები. ის არ არის, რადაც მას ასაღებენ! არ არის გამორიცხული, რომ ისევ კარფენტანილი იყოს! ვინაიდან ისევ ადამიანები მოხვდენენ რეანიმაციაში და ისევ აძინებს და გადადიან კომატოზურ მდგომარეობაში! ფრთხიალდ იყავით! და გაუფრთხილდით თქვენს სიცოცხლეს! მოიშორეთ ის, თუ რამე გამოიწერეთ ამ ბოლო დროს. ის სიკვდილია!
1. იწერენ ამ ნარკოტიკულ ნივთიერებებს ახალგაზრდები, რომლებიც არ არიან დამოკიდებულები და ვითომ “გართობისთვის ” იყენებენ, ამიტომ არ გააჩნიათ ტოლერანტობა და ხშირია ზედოზირება, რეალურად არ იციან, რა ნივთიერებას იწერენ ხშირად.
2. რა უნდა ვქნათ, როცა მაინც მივიღეთ
– ეცადეთ, არ დარჩეთ მარტო;
– თუ იგრძენით ძილიანობა, დაურკეთ ან მშობელს ან მეგობარს, რომ ის იყოს თქვენთან ერთად;
3. ეცადეთ, რომ მეგობარს უთხრათ, რომ გადმოგირეკოს რამდენიმე ხნის მერე და მოგიკითხოთ და თუ არ უპასუხებთ, მოვიდეს აუცილებლად.
-არ ჩაკეტოთ სახლის კარი და ეცადეთ, რომ შეხვიდეთ აბაზანში თუ ხართ მარტო.
– დარეკეთ 112 და მშვიდად აუხსენით ოპერატორს, რომ მიიღეთ რაღაც ნივთიერება და გრძნობთ თავს ცუდად.
– მეგობრებმა არ მიატოვოთ მარტო ის, ვინც იცით, რომ მიიღო რაღაცა და აუცილებლად დაურეკეთ 112 და მშვიდად უთხარით, რა პრობლემაც არის, არავინ ამის გამო არ დაგსჯით.
– არ მიიღოთ არცერთი უცნობი სუბსტანცია, ვინც არ უნდა გითხრათ, რომ უვნებელია და არაფერს გიზამთ!
– უამრავი ახალი ფსიქოაქტიური ნივთიერება არის დღეს და არავინ იცის, რა რას გამოიწვევს. ამიტომ გაერთეთ მაგათ გარეშე! სიცოცხლეზე ფასეული არაფერია! _ წერს ზურაბ სიხარულიძე.
