იაპონიაში COVID-19-ის საწინააღმდეგო ვაქცინის ადამიანებზე გამოცდა დაიწყო. ამის შესახებ ინფორმაციას BBC-ი ავრცელებს
როგორც გამოცემა წერს, პრეპარატი სტარტაპმა ANGES-მა შექმნა, რომელიც დნმ-ის ტექნოლოგიაზეა დაფუძნებული, რომელმაც ადამიანის იმუნური სისტემის აქტიური პასუხი უნდა გამოწვიოს.
გამოცემის ინფორმაციით, ვაქცინის შემქნელები აქცენტს პრეპარატის მასობრივი წარმოების სიმარტივეზე აკეთებენ.
BBC-ის ინფორმაციით, ტესტირება ქალაქ ოსაკის საუნივერსიტეტო კლინიკაში დაიწყო და ის 2021 წლის 31 ივლისამდე გაგრძელდება.
როგორც ცნობილია, ამ ეტაპზე მსოფლიოს მასშტაბით კორონავირუსის საწინააღმდეგო 150-მდე ვაქცინაზე მიმდინარეობს მუშაობა.
