“ე.წ. დაზარალებულს ბრალდებულების მიმართ პრეტენზია არ აქვს”, _ ამის შესახებ “გურია ნიუსთან“ ძმები ლომაძეების ადვოკატმა განაცხადა. ნიკა სადრაძის თქმით, „ე.წ. დაზარალებულს“ პრეტენზია აღარ აქვს ბრალდებულების მიმართ“.
“სასამართლომ პატიმრობა ძალაში დატოვა. ე.წ. დაზარალებული, მე ასე ვუწოდებდი, თანახმაა, რომ ბრალდებულების მიმართ გამოყენებული იქნას კანონით გათვალისწინებული შეღავათი. მას პრეტენზია აღარ აქვს ბრალდებულების მიმართ. მოდი ასე ვთქვათ, პრეტენზია რომ არ აქვს დაზარალებულს, ეს ნიშნავს იმას, რომ თუ მოლაპარაკება წარიმართება პროკურატურასთან, ვილაპარაკოთ თავისუფლად, მაგრამ თუ ჩვენ წავალთ ბრძოლის გზით და გამამართლებელი განაჩენის გზით, მაშინ დაზარალებულს პრეტენზია ექნება თუ არ ექნება, ეს განაჩენისთვის არსებითად არაფერს ცვლის. იმიტომ, რომ მისი, ე. წ. დაზარალებულს ვეძახი მე, რადგან რეალურად დაზარალებული არ არის, ექნება თუ არა პრეტენზია არამნიშვნელოვანია პირადად ჩემთვის, რადგან მისი ჩვენება ისედაც წინააღმდეგობებით არის სავსე“.
როგორც ადვოკატი „გურია ნიუსთან ამბობს, მისთვის სასამართლოს დღევანდელი გადაწყვეტილება მოულოდნელი არ ყოფილა.
„დღევანდელი პროცესი, ასე თუ ისე, ფორმალობა იყო. მოლოდინი მქონდა, რომ სასამართლო ამ გადაწყვეტილებას მიიღებდა წინასასამართლო სხდომაზე, მაგრამ, საბოლოო ჯამში, არსებითი განხილვებით თუ წავა ეს საქმე, საქმეში არარსებული და არსებული მტკიცებულებებით, ყველა ვარიანტში, უნდა დადგეს გამამართლებელი განაჩენი და 5-ივე უნდა გამოვიდეს გარეთ გამართლებული სტატუსით“, _ ამბობს ნიკა სადრაძე.
ადვოკატისვე თქმით, არსებითი განხილვები 1-ლი სექტემბრის შემდეგ დაიწშემდეგი სასამართლო სხდომა ჩანიშნულია 1-ელ სექტემბერს, ეს ფორმალური ხასიათის იქნება და 1-ელი სექტემბრის შემდეგ რომ სხდომა ჩაინიშნება, ეს ნიშნავს იმას, რომ საქმეზე დაიწყო არსებითი განხილვა“, _ აღნიშნა „გურია ნიუსთან“ საუბრისას ძმები ლომაძეების ადვოკატმა.
წინასასამართლო სხდომაზე, რომელიც დღეს გაიმართა, სპორტსმენების ადვოკატები პატიმრობის შეცვლას 20 ათასი ლარის გირაოს სანაცვლოდ ითხოვდნენ. მოსამართლე დავით მამისეიშვილმა ადვოკატების მოთხოვნა არ დააკმაყოფილა და სპორტსმენები პატიმრობაში დატოვა.
შეგახსენებთ, რომ იური ლომაძე, მისი ძმა, ფეხბურთელი ლუკა ლომაძე და კიდევ სამი პირი, 28 ივნისს ბათუმში მომხდარ ჯგუფურ დანაშაულში მონაწილეობის ბრალდებით დააკავეს. მათ ბრალად მოქალაქის იძულების წესით გაიტაცება ედებათ.
