ამერიკის მოქმედმა პრეზიდენტმა დონალდ ტრამპმა, რომელსაც უფლებამოსილების ვადა დღეს ეწურება, გამოსამშვიდობებელი მიმართვა YouTube-ზე გაავრცელა, რომელიც თეთრი სახლის გვერდზე აიტვირთა.
ტრამპმა კაბინეტის ოფიციალურად დატოვებამდე, გამოსამშვიდებელ სიტყვაში განაცხადა, რომ გააკეთა ის, რისთვისაც მოვიდა და გაცილებით უფრო მეტიც.
“ჩემო ამერიკელებო: ოთხი წლის წინ ჩვენ დავიწყეთ დიდი ეროვნული ძალისხმევა ჩვენი ქვეყნის აღსადგენად, მისი სულისკვეთების განახლებისა და მთავრობის მიმართ მოქალაქეების ერთგულების აღსადგენად. მოკლედ, ჩვენ დავიწყეთ მისია, რომ ამერიკა კვლავ დიადი გამხდარიყო – ყველა ამერიკელისთვის. აშშ-ს 45-ე პრეზიდენტის ვადის ამოწურვის შემდეგ, თქვენს წინაშე ვდგავარ ნამდვილად ამაყი იმით, თუ რას მივაღწიეთ ერთად. ჩვენ გავაკეთეთ ის, რისთვისაც მოვედით და გაცილებით უფრო მეტიც. მიმდინარე კვირას ჩვენ ახალი ადმინისტრაციის ინაუგურაციას ჩავატარებთ და ჩვენ ვლოცულობთ მათი წარმატებისთვის ამერიკის კეთილდღეობისა და უსაფრთხოების შენარჩუნებაში. ჩვენ მათ საუკეთესოს სურვილებს ვუსურვებთ და ასევე მათთვის გვინდა იღბალი, რაც ძალიან მნიშვნელოვანი სიტყვაა”, – ამბობს დონალდ ტრამპმა ვიდეომიმართვაში.
გამოსამშვიდობებელ სიტყვაში მოქმედმა პრეზიდენტმა მადლობა გადაუხადა პირველ ლედის, ვიცე-პრეზიდენტს, თეთრი სახლის თანამშრომლებს, მინისტრთა კაბინეტისა და ოჯახის წევრებს.
“ყველაზე მეტად მსურს, მადლობა გადავუხადო ამერიკელ ხალხს. გემსახუროთ თქვენ როგორც პრეზიდენტი, იყო ჩემთვის წარმოუდგენელი პატივი. მადლობა ამ განსაკუთრებული პრივილეგიისთვის. არასოდეს უნდა დაგვავიწყდეს, რომ მიუხედავად იმისა, რომ ამერიკელებს ყოველთვის ექნებათ უთანხმოებები, ჩვენ ვართ წარმოუდგენელი, ღირსეული, ერთგული და მშვიდობისმოყვარე მოქალაქეები, რომელთაც ყველას სურთ რომ ჩვენი ქვეყანა აყვავდეს და აყვავდე“ – აღნიშნა ტრამპმა.
ტრამპმა სიტყვით გამოსვლის დროს, ასევე ისაუბრა კაპიტოლიუმის შენობაში მისი მხარდამჭერების შეჭრაზეც და განაცხადა, რომ ამით ყველა ამერიკელი შეშფოთებული იყო.
“პოლიტიკური ძალადობა არის თავდასხმა ყველაფერზე, რაც ძვირფასია ჩვენთვის, როგორც ამერიკელებისთვის. ამას არასდროს შევეგუებით”, – განაცხადა ტრამპმა.
ცნობისთვის, კაპიტოლიუმზე თავდასხმის წაქეზებაში ბრალი თავად დონალდ ტრამპსაც ედება, რის გამოც გახდა ამერიკის ისოტირაში პირველი პრეზიდენტი, რომელსაც იპიჩმენტი ორჯერ გამოუცხადეს.
დღეს, 46-ე არჩეული პრეზიდენტის, ჯო ბაიდენის ინაუგურაცია გაიმართება, რომელიც ფიცს კაპიტოლიუმის შენობის წინ დადებს.
