ურეკში პოლიციელებზე თავდასხმის ფაქტზე დაკავებულების აღკვეთის ღონისძიებაზე ოზურგეთის სასამართლო დღეს იმსჯელებს.
სასამართლო პროცესი ამ წუთებში იწყება.
პროკურატურამ დაკავებულებს ბრალი დაუმძიმა და 353-ე პრიმა მუხლის მეორე ნაწილს ედავება, რაც შვიდიდან 11-წლამდე თავისუფლების აღკვეთას ითვალისწინებს.
1tv.ge-ს ინფორმაციით, საქმეზე სამი ბრალდებულის ადვოკატმა, მამუკა ზოიძემ განაცხადა, რომ მისი დაცვის ქვეშ მყოფები წარდგენილ ბრალდებას არ ეთანხმებიან.
„სამი ბრალდებულის ინტერესებს წარმოვადგენ. მათ ბრალი წარედგინათ 353-ე პრიმა მუხლის მეორე ნაწილით, რაც პოლიციელისთვის ჯანმრთელობის დაზიანებას ითვალისწინებს. ჩვენ არ ვეთანხმებით წარდგენილ ბრალდებას. გადმოგვეცა ბრალდების მხარის მიერ ჩატარებული ექსპერტიზის დასკვნები, რომლითაც არც ერთ პოლიციელს დაზიანების კვალი არ აქვს. რაც შეეხება აღკვეთის ღონისძიებას – ბრალდების მხარე ითხოვს პატიმრობას. ჩვენ გვექნება ალტერნატიული შუამდგომლობა“, – განაცხადა ზოიძემ.
ინფორმაციითვის, საქმეზე 13 ადამიანია დაკავებული.
