ნანუკა კოხოძე, მაგისტრატურის სტუდენტი:
მე ვარ ნანუკა კოხოძე და უკვე ერთი სემესტრია, რაც პრაღაში, „ჩარლზის უნივერსიტეტში“ ვსწავლობ მაგისტრატურაზე. ჯერ კიდევ ბაკალავრიატში ჩაბარებამდე ვიცოდი, რომ მაგისტრის ხარისხი აუცილებლად ევროპულ უნივერსტიტეში უნდა ამეღო და ჩემი მოლოდინები ამ უნივერსიტეტმა ნამდვილად გაამართლა. პირველ რიგში, ვიტყვი იმას, რომ ლექტორები მაქსიმალურად ზრუნავენ ჩვენთვის თავისუფალი სადისკუსიო სივრცეების შექმნაზე. ასევე, კრიტიკული აზროვნებისა თუ შემოქმედებითი უნარების განვითარებაზე. ისინი ძალიან დიდ პატივს სცემენ ჩვენს დროსა და რესურსს და დავალებები იქნება თუ გამოცდები, მაქსიმალურად იაზრებენ ჩვენს ინტერესებს.
მინდა ავღნიშნო, რომ უნივერსიტეტი გვთავაზობს ძალიან დიდ ლიტერატურულ მასალას, რომელიც არის ჩვენთვის სრულიად ხელმისაწვდომი როგორც ონლაინ ბიბლიოთეკებში, ასევე, ფიზიკურ ბიბლიოთეკებში… ინგლისურ ენაზე შემიძლია გავეცნო არაერთ ძალიან საინტერესო აკადემიურ ნაშრომს, არაერთ ძალიან საინტერესო თემაზე. უნივერსიტეტი მაქსიმალურად ზრუნავს ჩვენს პროფესიულ განვითარებაზე _ აქ გვაქვს კარიერული ცენტრები, სადაც შეგვიძლია გავიაროთ კონსულტაცია და შემდეგ ისინი გადაგვამისამართებენ უკვე ჩვენთვის საინტერესო სფეროში მოღვაწე წამყვან კომპანიებთან თუ ორგანიზაციებთან, სადაც საშუალება გვაქვს, რომ იქ ვიმუშავოთ და სტაჟირება გავიაროთ.
მინდა აღვნიშნო, რომ სტუდენტებისთვის აქ ცხოვრება არის საკმაოდ იაფი და ხელმისაწვდომი _ სტუდენტური ბარათის საშუალებით ჩვენ გვეკუთვნის ფასდაკლებები როგორც ყოველდღიურ საკითხებზე, ასევე სატრანსპორტო სისტემაზე, თეატრებსა და მუზეუმებში, სხვადასხვა კულტურულ დაწესებულებებში. უნივერსიტეტს აქვს არაერთი სტუდენტური საცხოვრებელი და მეც სწორედ სტუნდენტურ საცხოვრებელში ვარ და საკმაოდ მისაღებ ფასად მაქვს საშუალება ამ არაჩვეულებრივ ქალაქში ვიცხოვრო.
ასევე, სატრანსპორტო სისტემა ძალიან გამართულია და არ გვიწევს საათობით საცობში დგომა ან ტრანსპორტში ფეხზე დგომა. მგზავრობა ძალიან კომფორტულია და ეს ლექციებზე მისვლას სასიამოვნოს ხდის, მორგებულია შშმ პირებზე რაც ვფიქრობ, რომ ძალიან მნიშვნელოვანია.
ასევე, უნივერსიტეტი მაქსიმალურად ზრუნავს, საერთაშორისო სტუდენტებზე, ისეთზე როგორიც მე ვარ და მაგალითად როდესაც შემექმნა პრობლემა ვიზასთან დაკავშირებით, იმიტომ რომ ცოტა გვიან ავიღე სწავლის დაწყებასთან შედარებით, შემოგვთავაზეს ონლაინ კურსები ანუ ონლაინ შემეძლო კურსებზე დასწრება და პირველი ერთი კვირის განმავლობაში თავისუფლად შევძელი, რომ ლექციებს დავსწრებოდი და არ ჩამავრჩენოდი მასალებს და ჩამოსვლის შემდეგ ჩვეულებრივად გავაგრძელე სწავლა. ჩემი უნივერსიტეტი ძალიან ზრუნავს სტუდენტების მენტალურ ჯანმრთელობაზე და მაგალითად მე გამოცდების დაწყებამდე მივიღე ერთ-ერთი მეილი, სადაც გვთავაზობდნენ ფსიქოლოგთან კონსულტაციას გამოცდებთან დაკავშირებულ სტრესთან გამკლავებისთვის. იმიტომ, რომ სტუდენტებისთვის როგორც იცით ყოველთვის ძალიან დიდ სტრესთან არის დაკავშირებული საგამოცდო პერიოდი და გვეხმარებოდნენ რომ შეგვემსუბუქებინა ცოტა ჩვენი სტრესი.
ევროპული განათლების ღირებულება არის შეუფასებელი, არვიცი აქ გვასწავლიან ძალიან ბევრ ღირებულებებს, უნარებს და რაც ყველაზე მთავარია გვასწავლიან საკუთარი საქმის და შრომის დაფასებასა და სიყვარულს რაც ვფიქრობ, რომ ყველაზე მნიშვნელოვანი ღირებულება და უნარია რაც ადამიანმა შეიძლება შეიძინოს.
“გურია ნიუსმა” მიიღო დაფინანსება ამერიკის შეერთებული შტატების საერთაშორისო განვითარების სააგენტოსგან (USAID).
“გურია ნიუსი” ინარჩუნებს სრულ სარედაქციო დამოუკიდებლობას.
“გურია ნიუსის” მიერ გამოქვეყნებული მასალა არ ასახავს USAID-ის ან ამერიკის შეერთებული შტატების მთავრობის პოზიციას.
