ოზურგეთის მუნიციპალიტეტის სოფელ ლიხაურში მცხოვრები თამუნა მახარაძე სოციალური ქსელის მეშვეობით სერიალ “ჩემი ცოლის დაქალების” გადამღებ ჯგუფს და სცენარისტებს მიმართავს. პოსტის ავტორი უკმაყოფილებას გამოთქვამს სერიალში ასახული დაკრძალვის სცენის გამო და ამბობს, რომ გურიაში მიცვალებულს განსაკუთრებული პატივით აცილებენ. მახარაძე კიდევ ბევრ სხვა დეტალზეც ამახვილებს ყურადღებას.
“მოგმართავთ სერიალ “ჩემი ცოლის დაქალების”, გადამღებ ჯგუფს და სცენარისტებს, ჯერ ერთი საერთოდ არ ვუყურებ მაგ სერიალს, მეორეც ის რომ, მე, როგორც სოფელ “ჩვენში, მარტო , “მჭადი და ლობიო” რომ აჩვენეთ ვითომ და სადილად ჩათვალეთ, რა შეიქნა ის 1 კილო ,,ყველი” ასეთი სალაპარაკო, მთელი 2 სერია ყველი არ ჰქონიათო, რომ გაიძახდით, კარგი ბატონო “ყველი”(ვერ დავიჯერებ მაგას, მაგრამ) ვთქვათ და არ იყო, აღარც მწვანილი იყო არავის ბოსტანში და აღარც ერთი თეფში მჟავე იშოვებოდა, რომ დაგედოთ სუფრაზე და გადაგეღოთ ლამაზად?
რა ვიცი, სცენარში ისე გაქვთ დაწერილი, თუ კი ვინმე გაბედნიერდა, ყველა მაგ ცხონებულ ქალთან ჩამოსულა და დავიჯერო ახლა ყველას პატივისმცემელმა “ტატიანა”, მთელს სოფელს მისი ვალი ჰქონია “მჭადით და ლობიოთ” ხვდებოდა სტუმრებს და ისიც ახალდაქორწინებულებს, თქვენ ვერ მიიხვედრეთ, რა დაგედოთ და როგორ გეჩვენებინათ გურული სუფრა, თორემ, დარწმუნებული ვარ, ცხონებულ “ტატიანას” ყველიც ექნებოდა და გემრიელ ,,ხაჭაპურსაც გამოაცხობდა და კიდევ ერთი კი მაინტერესებს რომელ დიასახლისს აქვს “ქვიჯა” ( ფილთაქვა) გატეხილი, ეს რა მოსატანი იყო სერიალში, ვერ გამიგია. ამდენი წელია მაქ ვცხოვრობ და ჯერ არ მსმენია რომელიმე დიასახლის “ფილთაქვა” გაეტეხოს, არამც თუ მეზობლის საკუთარიც კი, ვერ დავიჯერებ რომ იმ უბანში, სადაც ეს ფილმი გადაიღეთ, მასე მშრალად ისტუმრებდნენ მიცვალებულს. მე ვცხოვრობ მაგ უბანთან ძალიან ახლოს და რომ ვიცი, იმიტომაც ვწერ ყოველივე ამას, ძალიან მიკვირს და ნაწყენი ვარ, რომ ასე სამასხარაოდ და ასე დაღატაკებულად წარმოაჩინეთ დიდი ,,ექვთიმე ღვთისკაცის (თაყაიშვილის)” მშობლიური სოფელი, სულ რამდენიმე ხნის წინ გადაიღეს ლიხაურში ფილმი “ექვთიმე თაყაიშვილზე”, ყოველივე ამის შემდეგ, როგორ იფიქრეთ რომ ასე დაჩაჩანაკებულად და ასე სამასხარაოდ აგეგდოთ სოფელი, უბანი, ხალხი, იმ კუთხის სამეზობლო და ვითომდა გურული ,,სატირელის” სუფრა, არ ვართ მთლად მასე წასული ხელიდან გურულები და მითუმეტეს “ლიხაურლები”, მართალია ბევრი მომენტი რეალური და ყოველდღიური ცხოვრებისეული ეპიზოდებიც არის სერიალში, ზოგიერთი რამ მომეწონა და კიდეც ვიმხიარულე, მაგრამ რამაც გული დამწტყვიტა და რაც მეწყინა, რომ არ მომეწერა, ვერ მოვითმინე, დიდ ბოდიშს გიხდით, ასეთი მწარე სიმართლისთვის.
ჭირისა და ლხინის სუფრა საქართველოს არცერთ კუთხეში არ ეშლებათ და ყველა კუთხემ უაღრესად კარგად იცის სტუმარ- მასპინძლობა და პურ-მარილი, მაგრამ ასე ხელ წამოსაკრავი ნამდვილად არ ვართ, არც “გურულები”, არც გურული ადათ- წესები, არც ჩვენებური სუფრა და პურ-მარილი და არც “გურია” სხვათაშორის (იმ ატალახებულ ეზოში ერთი ტომარა ნახერხა დაგეყარათ, მადლი იყო)”, _ წერს თამუნა მახარაძე სოციალურ ქსელში.
