ვერძი: ზოდიაქოს ეს ნიშანი ყველაზე ჯიუტ და არაპროგნოზირებად ნიშნად ითვლება. ეს თვისებები კი მას თავის კარიერაში ძალიან ეხმარება. ქალ ვერძს რაც უფრო მუქი წაბლისფერი თმა აქვს, მით უფრო წარმატებულია. როგორც ასტროლოგები ამბობენ, ამ ზოდიაქოს ნიშნის ქვეშ დაბადებულებისთვის იღბალი მოაქვს წითელ ჩრდილებსაც, მაგრამ არ ურჩევენ ქერა და ცივი ტონების გამოყენებას.
კურო: ამ ნიშნის ქვეშ დაბადებულ ადამიანებს უყვართ ფუფუნება, ბუნება და საკუთარი საქმე. მტკიცე და ფეთქებადი ხასიათი მათი პიროვნების თანმდევია. ოქროსფერი და თაფლისფერი ტონები კი ამ დეტალს კიდევ უფრო გამოკვეთს და ხაზს გაუსვამს მათ ღირსებას. კარიერული წარმატებისთვის ასტროლოგები კუროებს ბუნებრივ თბილ ტონებსაც ურჩევენ.
ტყუპები: ტყუპების ზოდიაქოს ნიშნის ქვეშ დაბადებული ქალები სიბერემდე ინარჩუნებენ ახალგაზრდულ იერს. მათ არ იზიდავთ რუტინული ცხოვრება და მუდმივად არიან სიახლეების ძიებაში. ისინი ძალიან სპონტანურები არიან და თუკი დღეს მათი თმის ფერია შავი, ერთი თვის შემდეგ შეიძლება იყოს წითელი. ასტროლოგების აზრით, მათ უნდა შეინარჩუნონ ნათელი ტონები, რათა არ ჩააქრონ საკუთარი ტემპერამენტი.
კირჩხიბი: ქალ კირჩხიბებს ხშირად წარმოიდგენენ, როგორც ოჯახის მოყვარულ დიასახლისებს. ამ შუშის გარღვევასა და კარიერული თუ ცხოვრებისეული წარმატების მისაღწევად მათ ასტროლოგები ურჩევენ, თმა ყავისფერ ტონში შეიღებონ. კარგი იქნება, თუკი გამოიყენებენ ნათელ ოქროსფერ ჩრდილებსაც. ეს მათ თავდაჯერებულობას შემატებს.
ლომი: ამ ზოდიაქოს ნიშნის მატარებელი ქალები გამოირჩევიან თავიანთი ცეცხლოვანებით. ისინი ლიდერები არიან ჯერ კიდევ საბავშვო ბაღიდან. მათი ბუნებისა და ხასიათის ხაზგასასმელად ასტროლოგები ღია ოქროსფერი ტონალობების ტარებას ურჩევენ. ფინანსური და კარიერული წარმატების გასაძლიერებლად კი მათ თმა მოწითალოდ უნდა შეიღებონ, თუმცა არა წითლად. საქმე კი ისაა, რომ ლომები ცეცხლის სტიქიას წარმოადგენენ და ითვლებიან, როგორც „აალებადნი“. წითელი თმა კი დისკომფორტს შეუქმნის არა მხოლოდ მის გარშემომყოფებს, არამედ თავად ამ ზოდიაქოს მატარებელსაც.
ქალწული: სიზუსტე, აკურატულობა და გულწრფელობა – ეს ქალწულების დამახასიათებელი თვისებებია. მათი თმის ფერი ხაზს უნდა უსვამდეს მათ დახვეწილობასა და ქალურობას. ამისთვის ასტროლოგები ღია და ნათელი ტონების გამოყენებას ურჩევენ, თუმცა შესაძლებელია მუქი ფერის ჩრდილებზეც შეაჩერონ არჩევანი. ეს მათ თავდაჯერებულობასა და სიძლიერეს მატებს.
სასწორი: ეს ნიშანი სიმშვიდის ჩემპიონია. სასწორის დამახასიათებელი თვისებებია დახვეწილობა და ელეგანტურობა. ამის ხაზგასასმელად კი ასტროლოგები ურჩევენ მაქსიმალურად შეინარჩუნონ თმის ბუნებრივი ფერი და მხოლოდ მცირე დეტალებით – ჩრდილებით შემოიფარგლონ.
მორიელი: მორიელი დრამატული, აქტიური, თუმცა, ამავე დროს, საიდულოებით მოცული ნიშანია. ასტროლოგები მათ არ ურჩევენ მუქ ტონალობებს. უმჯობესია, თუ მორიელის ნიშნის ქვეშ დაბადებული ქალები არჩევანს თბილ და მდიდრულ ფერზე გააკეთებენ, მაგალითად, წითელსა და ოქროსფერზე. ასეთი თმა დაეხმარება მათ გაიუმჯობესონ ფინანსური მდგომარეობა და იყვნენ კიდევ უფრო მიმზიდველები.
მშვილდოსანი: მშვილდოსანი ქალი ძალიან მგზნებარე, აზარტული და ოპტიმისტია. საკუთარი ბუნებისა და ხასიათის ხაზგასასმელად კი მათ თმა წითლად ან მოწითალო ყავისფრად უნდა შეიღებონ. ეს მათ პირად ცხოვრებასა და კარიერას კიდევ უფრო ნათელსა და წარმატებულს გახდის.
თხის რქა: თხის რქა ყველაზე ამბიციური ნიშანია – თუკი სხვები მხოლოდ სიმშვიდესა და წარმატებაზე ოცნებობენ, მას აუცილებლად სჭირდება სიმდიდრე, ფუფუნება და ფინანსები. ამ ზოდიაქოს ნიშნის მატარებელი ქალებისთვის სასურველია ღია ფერის თმის ტარება. თბილი ფერები მათი პირადი ცხოვრების წარმატებას შეუწყობს ხელს, ხოლო ცივი – კარიერის.
მერწყული: მერწყული ქალი არასდროს დაიწყებს ისეთ ურთიერთობას, რომელსაც პერსპექტივა არ აქვს და თუ უკვე დაიწყო, ის დიდხანს ვერ გასტანს. მერწყულ ქალებს ასტროლოგები მუქი ტონალობების ტარებას ურჩევენ – წაბლისფერი, შოკოლადისფერი… ასეთი ფერები უფრო მეტად გამოკვეთს და გააძლიერებს მათ ღირსებებს.
თევზები: თევზები ყველაზე იდუმალი და მისტიკური ნიშანია და ამის გამო მათ ხშირად უხეშებად თვლიან. საკუთარი ინდივიდუალიზმისა და ხასიათის გამოსაკვეთად, ასტროლოგები თევზებს თმის ნათელ ფერად, განსაკუთრებით კი, ნაცრისფრად შეღებვას ურჩევენ. ეს მათ შინაგან სამყაროსა და ჰარმონიას კიდევ უფრო თვალსაჩინოს გახდის.
ავტორი
