აქედან გამომდინარე, ამ ღონისძიებამ მედიის გარეშე ჩაირა, ამ საპატიო დაჯილდოვების შესახებ ინფორმაცია არც წინასწარ გაუვრცელებია ვინმეს და არც დაჯილდოვების შემდეგ.
ღირსების ორდენოსანი გახდა ოზურგეთის სპორტის განვითარების ცენტრის ყოფილი უფროსი, ბიძინა გობრონიძე, რომელიც იმ პერიოდში კუთვნილ შვებულებაში იმყოფებოდა. მან არჩევნების პერიოდში საქართველო დროებით დატოვა. აქედან გამომდინარე, მისთვის განკუთვნილი ჯილდო დღემდე არავის გადაუცია და არც არავინ იცის როდის მისცემენ.
ბიძინა გობრონიძე დღეს ოზურგეთშია და მან ჩვენთან საუბრის დროს დაადასტურა, რომ ის დაჯილდოვების ცერემონიაზე არ იმყოფებოდა და აინტერესებს, სად წავიდა მისთვის გამოგზავნილი ჯილდო.
ბიძინა გობრონიძე: _ ჩემამდე მოვიდა ინფორმაცია, რომ ღირსების ორდენი გადმოგვეცემოდა, სპორტის სამსახურიდან ჩემთან ერთად, ამ ჯილდოს კლუბ „მერცხალის“ პრეზიდენტი ხარიტონ ჩხატარაიშვილი მიიღებდა. ყოველ შემთხვევაში, ჩემთვის ასე იყო ცნობილი. მე რადგან ივლისის თვეში ვიყავი შვებულებაში, დამიკავშირდნენ ოზურგეთის მუნიციპალეტეტის გამგეობიდან და მიწვეული ვიყავი. იქ მისვლა ვერ მოვახერხე, რადგან თბილისში ვიყავი და ევროპაში გასამგზავრებლად ვემზადებოდი. შემდეგ, როდესაც ეს ჯილდო მომენიჭა, მილოცავდნენ მეგობრები, ზოგი ტელეფონით და ზოგი კიდევ სოციალური ქსელით. ეს მილოცვა გასაგებია, მაგრამ სად წავიდა ეს ღირსების ორდენი, სად გაქრა, ნამდვილად არ ვიცი, სახლშიც არავის გამოუგზავნია და არც თანხა მიმიღია. ოთხი ლარი დავტოვე ჩემს პირად ანგარიშზე და რომ ჩამოვედი საქართველოში, ისევ ეს ოთხი ლარი დამხვდა. ოზურგეთში, მოვიკითხე ჯილდოს შესახებ და გურიის სამხარეო ადმინისტრაციაში მითხრეს, რომ მოდი და გავარკვიოთ, მე კი უკვე ამის გარკევვას აღარ ვაპირებ, თუ გადმომეცა და მეც გავხვდი ღირსების ორდენოსანი, აქ არაფერი არ უნდა იყოს გასარკვევი.
“გურია ნიუსთან” საუბრისას, ისაკ ლომთათიძე, სახელმწიფო რწმუნებულის გუბერნატორის ადმინისტრაციის სამსახურის უფროსი ამბობს, რომ ბიძინა გობრონიძეს შეუძლია გუბერნიაში გაარკვიოს ორდენის ამბები.
_ ბატონო ისაკ, ჩვენს გვაქვს ინფორმაცია,რომ ბიძინა გობრონიძე კი იყო სიაში, მაგრამ მას ღირსების ორდენი არ მიუღია.
_ ბიძინა თავად უნდა გამოცხადდეს ჩვენთან და ჩამოვყალიბდებით. ყოველშემთხვევაში პრობლემას ამაში ვერაფერს ვხედავ.
_ ყველამ მიიღო ეს ღირსების ორდენი. ერთი პერიოდი ბიძინა გობრონიძე არ იმყოფებოდა საქართველოში და ახლა რა ხდება?
_ რომ გამოცხადდება და დავინახავთ, მოგვარდება ეს საკითხი. ვიცით, რომ ჩამოვიდა და არ მოსულა.
_ როგორც ცნობილია, ორდენთან ერთად პრემიაც ეკუთვნოდა.
_ კანონით არის განსაზღვრული, ყველა ორდენს მოყვება თავისი შესაბამისი თანხა.
გურიის ვიცე-გუბერნატორი, ლელა თავართქილაძე აცხადებს, რომ: _ ოზურგეთში, ივლისის თვეში, საქართველოს პრეზიდენტის განკარგულებით, ღირსების ორდენი გადაეცა რამდენიმე ადამიანს, მათ შორის სიაში იყო და არის ბიძინა გობრონიძე. ის მიიწვიეს ამ დაჯილდოვებაზე, მაგრამ მან განაცხადა, რომ ვერ დაესწრებოდა. ამის შემდეგ, დაჯილდოვება შედგა, განკარგულება არსებობს და ბიძინა გობრონიძე უნდა მოვიდეს გურიის სამხარეო ადმინისტრაციაში და გადასცემენ შესაბამის ჯილდოს, _ გვითხრა ლელა თავართქილაძემ.
